ಸರ್ಕಾರದ ಸೇವೆಗಳನ್ನು ಜನರಿಗೆ ನೇರಾಗಿ ತಲುಪಿಸುವವರು ಗ್ರಾಮ ಪಂಚಾಯಿತಿ ನೌಕರರು (GP Employees strike ).ಜನರ ಸಮಸ್ಯೆಗಳನ್ನು ಬಗೆಹರಿಸುವವರು ಪಂಚಾಯಿತಿ ನೌಕರರು. ಆದರೆ, ನಮ್ಮ ಬೇಡಿಕೆಗಳಿಗೆ ಬಲೆಯೇ ಇಲ್ಲದಂತಾಗಿದೆ. ಬಿಲ್ ಕಲೆಕ್ಟರ್, ಕ್ಲರ್ಕ್ ಕಂ ಡೇಟಾ ಎಂಟ್ರಿ ಆಪರೇಟರ್, ವಾಟರ್ ಆಪರೇಟರ್, ಅಟೆಂಡರ್, ಕ್ಲೀನರ್ ಹೀಗೆ ವಿವಿಧ 6 ಹುದ್ದೆಗಳಲ್ಲಿ ಸೇವೆ ಸಲ್ಲಿಸುತ್ತಿರುವ 1500 ಕ್ಕೂ ಅಽಕ ನೌಕರರು ಜಿಲ್ಲೆಯಲ್ಲಿದ್ದೇವೆ. ನಮ್ಮನ್ನು ಗ್ರಾಮ ಪಂಚಾಯಿತಿ ನೌಕರರು ಎಂದು ಪರಿಗಣಿಸಿ, ಕಾರ್ಮಿಕ ಇಲಾಖೆಯಿಂದ ನಿಗದಿಪಡಿಸಿದ 13 ರಿಂದ 18 ಸಾವಿರ ರೂ.ವರೆಗಿನ ಕನಿಷ್ಠ ವೇತನ ನೀಡಲಾಗುತ್ತಿದೆ. ಕಾರ್ಯಕ್ಕೆ ಅನುಗುಣವಾಗಿ ನಮ್ಮನ್ನು ಸಿ ಮತ್ತು ಡಿ ದರ್ಜೆಯ ನೌಕರರು ಎಂದು ಪರಿಗಣಿಸಿ, ಸರ್ಕಾರಿ ನೌಕರರಿಗೆ ಇರುವಂತೆ ವೃಂದ ಮತ್ತು ನೇಮಕಾತಿ ನಿಯಮಗಳನ್ನು ರೂಪಿಸಿ ಆ ವೇತನ ಶ್ರೇಣಿಯನ್ನು ನೀಡಬೇಕು ಎಂಬುದು ನಮ್ಮ ಆಗ್ರಹವಾಗಿದೆ. ಈ ಸಂಬಂಧ 2019 ರಲ್ಲಿ ಸರ್ಕಾರದಿಂದ ಆದೇಶವಾದರೂ ಅದು ಜಾರಿಯಾಗಿಲ್ಲ. ಪಿಎಫ್, ಇಎಸ್ಐಗಳಂಥ ಸೌಲಭ್ಯವಿಲ್ಲ. ಜಿಪಂನಿAದ ಅನುಮೋದನೆಯಾಗದವರಿಗೆ ನಿವೃತ್ತಿ ಉಪಧನವೂ ಸಿಗುತ್ತಿಲ್ಲ. ಮುಂಬಡ್ತಿ ಸಿಗುತ್ತಿಲ್ಲ ಈ ಎಲ್ಲ ವಿಷಯಗಳನ್ನು ಇಟ್ಟುಕೊಂಡು, ಸ್ವಚ್ಛತೆ, ನೀರು ಪೂರೈಕೆ ಸೇರಿ ಅಗತ್ಯ ಸೇವೆಗಳನ್ನೂ ಬಹಿಷ್ಕರಿಸಿ ಪ್ರತಿಭಟನೆಗೆ ಇಳಿಯಲಿದ್ದೇವೆ ಎಂದರು. ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಯೋಗೇಶ ನಾಯ್ಕ, ಕಾರವಾರ ತಾಲೂಕು ಅಧ್ಯಕ್ಷ ಮಂಗೇಶ ಗೋವೆಕರ್, ಭಟ್ಕಳ ತಾಲೂಕು ಉಪಾಧ್ಯಕ್ಷ ದಾಮು ನಾಯ್ಕ ಸುದ್ದಿಗೋಷ್ಠಿಯಲ್ಲಿದ್ದರು.
