`ಗೌಡ ಮೆಚ್ಚಿದ ಹುಡುಗಿ' ನಾಟಕ ಪ್ರದರ್ಶನ 22ರಂದು

ವಿಜಯವಾಣಿ ಸುದ್ದಿಜಾಲ ಧಾರವಾಡ

ನಗರದ ಕಲಾ ಸಂಗಮ ಸಂಸ್ಥೆ ವತಿಯಿಂದ ಡಿ. 22ರಂದು ಕರ್ನಾಟಕ ವಿದ್ಯಾವರ್ಧಕ ಸಂಘದ ನಾಡೋಜ ಪಾಟೀಲ ಪುಟ್ಟಪ್ಪ ಸಭಾಭವನದಲ್ಲಿ `ಗೌಡ ಮೆಚ್ಚಿದ ಹುಡುಗಿ ನಾಟಕ ಪ್ರದರ್ಶನ ನಡೆಯಲಿದೆ ಎಂದು ಹಿರಿಯ ಕಲಾವಿದ ಪ್ರಭು ಹಂಚಿನಾಳ ಹೇಳಿದರು.

ನಗರದಲ್ಲಿ ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ವೃತ್ತ ರಂಗಭೂಮಿ ಕಲಾವಿದ ಶ್ಯಾಮ ದೇಶಮುಖ ಸಹಾಯಾರ್ಥ ಅಂದು ಮಧ್ಯಾಹ್ನ 3 ಮತ್ತು 6 ಗಂಟೆಗೆ 2 ಪ್ರದರ್ಶನ ನಡೆಯಲಿವೆ. ನವದೆಹಲಿಯ ಎ.ಐ.ಪಿ.ಟಿ.ಎ ಅಧ್ಯಕ್ಷ ಬಸವರಾಜ ಗುರಿಕಾರ ನಾಟಕಕ್ಕೆ ಚಾಲನೆ ನೀಡುವರು. ರಂಗಭೂಮಿ ಹಿರಿಯ ನಟ ಡಾ. ರಾಜು ತಾಳಿಕೋಟಿ ಹಾಗೂ ಪ್ರೇಮಾ ತಾಳಿಕೋಟಿ ಮುಖ್ಯ ಪಾತ್ರದಲ್ಲಿ ಅಭಿಯಯಿಸಲಿದ್ದಾರೆ ಎಂದರು.

ರಾಜೀವಸಿ0ಗ್ ಹಲವಾಯಿ, ಶ್ಯಾಮ ದೇಶಮುಖ, ರಮೇಶ ಹಿರೇರೆಡ್ಡಿ ಸುದ್ದಿಗೋಷ್ಠಿಯಲ್ಲಿದ್ದರು.