ವಿಧಾನಪರಿಷತ್ ಸದಸ್ಯ ಟಿ.ರಘು ಮೂರ್ತಿಯವರು ನೂತನ ತಾಲೂಕು ರಚೆನೆಯ ಕುರಿತಂತೆ ಕೇಳಿದ ಪ್ರಶ್ನೆಗೆ ಉತ್ತರ ನೀಡಿದ ಸಚಿವರು, ’’63 ಹೊಸ ತಾಲೂಕುಗಳನ್ನು ಘೋಷಣೆ ಮಾಡಿ ಆ ಪೈಕಿ 14 ತಾಲೂಕುಗಳಿಗೆ ಮಾತ್ರ ಕಚೇರಿಗಳಿಗೆ ಭೂಮಿ ಕೊಡಲಾಗಿತ್ತು. ನಮ್ಮ ಸರ್ಕಾರ ಬಂದ ನಂತರ ಉಳಿದ 49 ತಾಲೂಕುಗಳಿಗೆ ಪ್ರಜಾ ಸೌಧ ಮಂಜೂರು ಮಾಡಲಾಗಿದೆ. ಈ ಎಲ್ಲ ಹೊಸ ತಾಲೂಕುಗಳಿಗೆ ಮೂಲಸೌಕರ್ಯ ಕಲ್ಪಿಸುವ ಕಾರ್ಯ ಪೂರ್ಣಗೊಳ್ಳುವ ವರೆಗೆ ಯಾವುದೇ ಹೊಸ ತಾಲೂಕು ರಚನೆ ಮಾಡದಿರಲು ಸಿಎಂ ಸೂಚಿಸಿದ್ದು, ಹಣಕಾಸು ಇಲಾಖೆ ಅಭಿಪ್ರಾಯವೂ ಇದೇ ಆಗಿದೆ. ಹಾಗಾಗಿ ಹೊಸ ತಾಲೂಕುಗಳ ಬೇಡಿಕೆಯನ್ನು ಸದ್ಯಕ್ಕೆ ಪರಿಗಣಿಸಲು ಸಾಧ್ಯವಿಲ್ಲ,’’ ಸದನದಲ್ಲಿಯೇ ತಿಳಿಸಿರುವುದರಿಂದ ಯರಗೇರಾ ತಾಲೂಕು ದೂರಾ ದೂರಾ ಎನ್ನುವಂತಾಗಿದೆ.
