ವಸತಿ ನಿಲಯಗಳ ಲೇಔಟ್ಗೆ ಹೋಗುವ ಮುಂಭಾಗದಲ್ಲಿ ಗೇಟ್ ಅಳವಡಿಸಿದ್ದು, ಅದರ ನಿರ್ವಹಣೆ ಇಲ್ಲದೇ ಹಗಲು ಮತ್ತು ರಾತ್ರಿ ಲೇಔಟ್ನಲ್ಲಿ ವಾಸಿಸುವ ಸರ್ಕಾರಿ ಇಲಾಖೆಯ ಅಧಿಕಾರಿಗಳಂತೆ ಇತರೇ ಸಾರ್ವಜನಿಕರೂ ಸಹ ಲೇಔಟ್ ಒಳಗೆ ಪ್ರವೇಶ ಮಾಡುತ್ತಿರುವುದರಿಂದ ಲೇಔಟ್ನಲ್ಲಿ ವಾಸಿಸುವ ಸರ್ಕಾರಿ ಅಧಿಕಾರಿಗಳ ಕುಟುಂಬಗಳಿಗೆ ಭದ್ರತೆ ಇಲ್ಲದಂತಾಗಿದೆ. ಲೋಕೋಪಯೋಗಿ ಲೇಔಟ್ನಲ್ಲಿ ವಿವಿಧ ಇಲಾಖೆಗೆ ಸೇರಿದ ಸರ್ಕಾರಿ ನೌಕರರು ವಾಸವಿದ್ದಾರೆ. 15 ರಿಂದ 20 ಡಿ.ಗ್ರೂಪ್ ನೌಕರರ ಕುಟುಂಬಗಳು 10 ರಿಂದ 15 ಸಿ.ಗ್ರೂಪ್ ನೌಕರರು ಲೋಕೋಪಯೋಗಿ ಇಲಾಖೆಗೆ ಸೇರಿದ 6 ಕುಟುಂಬ ಹಾಗೂ ನ್ಯಾಯಾಂಗ ಇಲಾಖೆಗೆ ಸೇರಿದ ಕುಟುಂಬಸ್ಥರು ವಾಸವಿದ್ದಾರೆ. ಶಿಕ್ಷಕರ ಕುಟುಂಬಗಳು ಹೆಚ್ಚಾಗಿ ವಾಸವಿದ್ದು, ಸುಮಾರು 20 ರಿಂದ 25 ವರ್ಷಗಳಿಂದ ವಾಸವಿರುವ ಕುಟುಂಬಗಳು ಇಲ್ಲಿದ್ದು, ಇಲಾಖೆಯವರು ನಿರ್ವಹಣೆ ಮಾಡುವ ಮೊದಲೇ ಸಣ್ಣಪುಟ್ಟ ರಿಪೇರಿ ಮಾಡಿಸಿಕೊಳ್ಳುತ್ತಿರುವುದರಿಂದ ಕೆಲವೊಂದು ವಸತಿ ನಿಲಯಗಳು ನೋಡಲು ಸುಂದರವಾಗಿ ಕಾಣುತ್ತಿವೆ.
