ಸಾಧ್ಯವಾಗಲಿಲ್ಲ. ಅಂತಿಮವಾಗಿ ಭಾರತೀಯರು ಬಳಕೆ ಮಾಡುವ ಸಾಂಬಾರ ಪದಾರ್ಥಗಳಲ್ಲಿ ಶೀತವನ್ನು ತಡೆಯುವ ಗುಣ ಇದೆ ಎಂಬ ವರದಿಯನ್ನು ಸೊಸೈಟಿ ನೀಡಿತ್ತು. ಈ ಕಾರಣಕ್ಕೆ ಭಾರತೀಯರಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿನ ಪ್ರಮಾಣದಲ್ಲಿ ಇರುತ್ತದೆ ಎಂದು ಅಭಿಪ್ರಾಯಪಟ್ಟಿತು. ಕರೊನಾ ಬಾರದಂತೆ ಅಗತ್ಯ ಮುಂಜಾಗ್ರತಾ ಕ್ರಮ ಅನುಸರಿಸುವುದು ಉತ್ತಮ. ಒಂದು ವೇಳೆ ಬಂದರೂ ಅದನ್ನು ಎದುರಿಸುವಷ್ಟು ರೋಗ ನಿರೋಧಕ ಶಕ್ತಿಯನ್ನು ವೃದ್ಧಿಸಿಕೊಳ್ಳುವ ಅವಶ್ಯಕತೆ ಇದೆ. ಕರೊನಾಕ್ಕೆ ಬೆಟ್ಟದ ನೆಲ್ಲಿ ರಾಮಬಾಣವಾಗಿದ್ದು, ಜನರು ದಿನಕ್ಕೆ ಒಂದು ನೆಲ್ಲಿಕಾಯಿಯನ್ನಾದರೂ ಸೇವಿಸಿ ಎಂದು ಸಲಹೆ ನೀಡಿದ್ದಾರೆ. ವಿಟಮಿನ್ ಸಿ ನಮ್ಮ ದೇಹದಲ್ಲಿ ಉತ್ಪತ್ತಿಯಾಗುವುದಿಲ್ಲ. ಅದನ್ನು ನಾವು ಹಣ್ಣು-ಹಂಪಲುಗಳನ್ನು ತಿನ್ನುವ ಮೂಲಕ ಪಡೆಯಬೇಕು. ವಿಟಮಿನ್ ಸಿ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ವೃದ್ಧಿಸುತ್ತದೆ. ಬೆಟ್ಟದ ನೆಲ್ಲಿಯಲ್ಲಿ ಅತಿ ಹೆಚ್ಚಿನ ಪ್ರಮಾಣದಲ್ಲಿ ವಿಟಮಿನ್ ಸಿ ಅಂಶ ಇರುತ್ತದೆ. ಹೀಗಾಗಿ ಬೆಟ್ಟದ ನೆಲ್ಲಿಯನ್ನು ತಿನ್ನುವುದು ಉತ್ತಮ ಎಂದರು. ಬೆಟ್ಟದ ನೆಲ್ಲಿ ದೊರೆಯದೆ ಇದ್ದರೆ ವಿಟಮಿನ್ ಸಿ ಅಂಶ ಇರುವ ನಿಂಬೆಹಣ್ಣಿನ ಜ್ಯೂಸ್ ಕುಡಿಯುವುದು ಅಥವಾ ಜೇನು ಸೇವಿಸುವುದು ಉತ್ತಮ. ಟೊಮ್ಯಾಟೊವನ್ನು ಬೇಯಿಸದೆ ಹಾಗೆಯೇ ತಿನ್ನಿ. ಮೂಸಂಬಿ, ಕಿತ್ತಳೆ ಹಣ್ಣು ಸೇರಿ ವಿಟಮಿನ್ ಸಿ ಅಂಶ ಹೆಚ್ಚಿರುವ ಹಣ್ಣು- ಹಂಪಲುಗಳನ್ನು ಸೇವಿಸಿ. ನೀರನ್ನು ಹೆಚ್ಚಾಗಿ ಕುಡಿಯಿರಿ ಎಂದು ಸಲಹೆ ನೀಡಿದರು.
