ಬಸರಾಳು ಗ್ರಾಮದಲ್ಲಿ ಭರ್ಜರಿ ಮಳೆ: ಕೊಂಚ ನೆಮ್ಮದಿ ತಂದ ವರುಣ

ಮಂಡ್ಯ: ತಾಲೂಕಿನ ಬಸರಾಳು ಗ್ರಾಮದಲ್ಲಿ ಶನಿವಾರ ಮತ್ತು ಭಾನುವಾರ 84 ಮಿ.ಮೀ ಭರ್ಜರಿ ಮಳೆಯಾಗಿದೆ.

ಬೆಳಗ್ಗೆಯಿಂದಲೂ ಬಿಸಿಲಿನ ವಾತಾವರಣವಿತ್ತು. ಸಂಜೆಯಾಗುತ್ತಿದ್ದಂತೆ ಮೋಡ ಕವಿದಂತಾಗಿ ಒಂದು ಗಂಟೆಗೂ ಹೆಚ್ಚು ಕಾಲ ಬಿರುಗಾಳಿ ಸಹಿತ ಜೋರು ಮಳೆಯಾಯಿತು. ಇದರಿಂದಾಗಿ ಸಾರ್ವಜನಿಕರು ಪರದಾಡುವಂತಾಯಿತು. ಬಿಸಿಲ ಬೇಗೆ ಹಾಗೂ ಬರದಿಂದ ತತ್ತರಿಸಿದ ಗ್ರಾಮದ ಜನರಿಗೆ ಕೊಂಚ ನೆಮ್ಮದಿ ತಂದಿದೆ.