ಜವಾಬ್ದಾರಿ ಅರಿತು ನಿರಂತರ ಪರಿಶ್ರಮ, ಸಮರ್ಪಣಾ ಮನೋಭಾವದಿಂದ ಕರ್ತವ್ಯ ನಿರ್ವಹಿಸುವ ಮೂಲಕ ಮಕ್ಕಳಿಗೆ ಉತ್ತಮ ಭವಿಷ್ಯ ಕಲ್ಪಿಸಬೇಕಾಗಿದೆ. ಈ ನಿಟ್ಟಿನಲ್ಲಿ ಅಧಿಕಾರಿಗಳಿಗೆ ಎಲ್ಲ ರೀತಿಯ ಸಹಕಾರವನ್ನು ಸರ್ಕಾರ ನೀಡಲಿದೆ. ಸವಾಲು, ಸಮಸ್ಯೆಗಳಿಗೆ ಬೆನ್ನು ತೋರಿಸದೆ ಅವುಗಳನ್ನು ಮೆಟ್ಟಿ ನಿಲ್ಲುವ ಶಕ್ತಿ-ಸಾಮರ್ಥ್ಯ ಬೆಳೆಸಿಕೊಳ್ಳುವುದು ಮುಖ್ಯವಾಗಿದೆ. ತಂಡ ಸ್ಫೂರ್ತಿಯಿಂದ ಕೆಲಸ, ಒಳ್ಳೆಯ ನಿರ್ಧಾರಗಳ ಸಕಾಲಿಕ ಅನುಷ್ಠಾನದಿಂದ ಉತ್ತಮ ಆಡಳಿತದ ಗುರಿ ತಲುಪಲು ಸಾಧ್ಯವಿದೆ. ವಿಶ್ವಮಾನ್ಯ, ಗೌರವ ಹಾಗೂ ವಿಶ್ವಾಸ ಸಂಪಾದಿಸಿದ್ದ ಅಟಲ್ ಬಿಹಾರಿ ವಾಜಪೇಯಿ ಎಲ್ಲ ಕಾಲಕ್ಕೂ ಪ್ರಸ್ತುತ. ಅವರ ಸೇವಾ ಮನೋಭಾವ, ವಿಚಾರಗಳು ಸದಾ ಪ್ರೇರಣೆ ನೀಡುತ್ತವೆ ಎಂದು ಅಶ್ವತ್ಥ ನಾರಾಯಣ ಹೇಳಿದರು.
