ಸಾಮಾಜಿಕ ಕಾರ್ಯಕರ್ತ ಎಂ.ಎಸ್. ಸುಬ್ರಮಣಿ ಮಾತನಾಡಿ, ಪಾದಚಾರಿಗಳ ಸಮಸ್ಯೆಯನ್ನು ಪೊಲೀಸ್ ಇಲಾಖೆ ಗಂಭೀರವಾಗಿ ಪರಿಗಣಿಸಬೇಕು. ವಾಹನ ಚಾಲಕರು ಪಾದಚಾರಿಗಳು ರಸ್ತೆ ದಾಟಲು ಅವಕಾಶ ನೀಡುತ್ತಿಲ್ಲ. ಪಾದಚಾರಿಗಳನ್ನು ಬೈಯುವವರು ಕೂಡ ಇದ್ದಾರೆ. ಆಟೋ ಚಾಲಕರು ಸುಮ್ಮನೆ ಪಟ್ಟಣದಲ್ಲಿ ಸುತ್ತಾಡುವುದು ಹೆಚ್ಚಾಗುತ್ತಿದೆ. ಸೋಲಾರ್ ದೀಪ ಇರುವ ಸೂಚನಾ ಫಲಕ, ಧ್ವನಿವರ್ಧಕ ಮೂಲಕ ಸಾರ್ವಜನಿಕರು, ಸವಾರರು, ಚಾಲಕರಿಗೆ ಅರಿವು ಮೂಡಿಸಬೇಕು. ಪೊಲೀಸರು ಕೂಡ ಪ್ರಯೋಗಕ್ಕೆ ಮುಂದಾಗಬೇಕು. ನಿಗದಿತ ಸಮಯದಲ್ಲಿ ರಸ್ತೆ ದಾಟಲು ಅವಕಾಶ ನೀಡಬೇಕೆಂದರು. ಪಾಲಿಬೆಟ್ಟ ರಸ್ತೆ ಬದಿ ಗುಜರಿ ವ್ಯಾಪಾರಿ ವಸ್ತುಗಳನ್ನು ಸುರಿದಿರುವುದರಿಂದ ವಾಹನ ಸಂಚಾರಕ್ಕೆ ತೊಂದರೆಯಾಗುತ್ತಿದೆ. ರೋಗ ಹರಡಲು ಕಾರಣವಾಗುತ್ತಿದೆ ಎಂದರು.
