ಭಗವದ್ಗೀತೆಯು ಭಗವಾನ್ ಶ್ರೀಕೃಷ್ಣನ ಸಮ್ಮುಖದಿಂದ ಪ್ರಕಟಿತ ಸಂದೇಶವಾಗಿದ್ದು, ಪ್ರಪಂಚದ ಎಲ್ಲ ಮಾನವರ ಜೀವನಕ್ಕೆ ಪೂರಕವಾಗಿ ಇರುವಂತಹ ಶ್ರೇಷ್ಠ ಗ್ರಂಥವಾಗಿದೆ. ಹೇಗೆ ಬದುಕಬೇಕು, ಬದುಕು ಹೇಗಿರಬೇಕು ಎಂದು ಜ್ಞಾನದ ಹೂರಣವೇ ಹೊಂದಿರುವ ತ್ರೈಕಾಲಿಕ ಹಾಗೂ ಅಜರಾಮರ ಸಂದೇಶವದು. ಎಲ್ಲರೂ ಗೀತೆಯ ಸಾರ ತಿಳಿದು, ಜೀವನ ಸ್ಫೂರ್ತಿ ಪಡೆಯಬೇಕು ಎನ್ನುವುದು ಶ್ರೀಮನ್ಮಧ್ವಾಚಾರ್ಯರ ಸತ್ಸಂಕಲ್ಪವೂ ಆಗಿದ್ದು, ಜಾಗತಿಕ ಭಗವದ್ಗೀತಾ ಸ್ಪರ್ಧೆ ಆಯೋಜಿಸಲಾಗಿದೆ. ಗೀತೆಯನ್ನು ಪಠಿಸುವುದರಿಂದ ವಿದ್ಯಾರ್ಥಿಗಳಿಗೂ ಜೀವನದ ಸತ್ಯ, ಸನಾತನ ಧರ್ಮದ ಮಹತ್ವ ಅರಿವಾಗುತ್ತದೆ. ದೇಶದ ಸಂಪತ್ತಾಗಿರುವ ಇಂದಿನ ಯುವ ಸಮುದಾಯದ ಏಳಿಗೆಯ ಏಕೈಕ ಉದ್ದೇಶದಿಂದ ಗೀತಾ ಕ್ವಿಜ್ ಹಮ್ಮಿಕೊಳ್ಳಲಾಗಿದೆ ಎಂದು ಸುಗುಣೇಂದ್ರ ತೀರ್ಥ ಶ್ರೀಪಾದರು ತಿಳಿಸಿದ್ದಾರೆ.
