ತಾಲೂಕು ಘಟಕದ ಅಧ್ಯಕ್ಷ ಮುದುಕಪ್ಪ ನಾಯಕ ಮಾತನಾಡಿ, ಸರ್ವೇ ನಂ.54ರಲ್ಲಿ ನಿವೇಶನ ರಹಿತರಿಗೆ ನಿವೇಶನ ಹಂಚಿಕೆ ಮಾಡಬೇಕು. ತಾಲೂಕಿನ ಕುರ್ಡಿ, ಕಂಬಳತ್ತಿ, ಜಾಗೀರಪನ್ನೂರು, ಮದ್ಲಾಪೂರು ಹಾಗೂ ದದ್ದಲ ಸೇರಿ ವಿವಿಧ ಗ್ರಾಮಗಳ ಭೂರಹಿತ ಬಡವರು ಹಲವಾರು ವರ್ಷಗಳಿಂದ ಸಾಗುವಳಿ ಮಾಡುತ್ತಿರುವ ಸರ್ಕಾರಿ ಭೂಮಿಯಲ್ಲಿ ಶೀಘ್ರದಲ್ಲಿ ಪಂಚನಾಮೆ ನಡೆಸಿ ಪಟ್ಟಾ ನೋಂದಣಿ ಮಾಡಿಸಬೇಕು. ಸಿರವಾರ ತಾಲೂಕಿನ ಕೆ.ಗುಡದಿನ್ನಿ, ಗಣದಿನ್ನಿ, ಬಲ್ಲಟಗಿ ಗ್ರಾಮದ ಭೂರಹಿತರು ಸಾಗುವಳಿ ಮಾಡುತ್ತಿದ್ದಾರೆ. ಹಳ್ಳಿ ಗ್ರಾಮ, ಲಕ್ಕಮದಿನ್ನಿ ಹಾಗೂ ಇತರೆ ಗ್ರಾಮಗಳ ಭೂಹೀನರು ಸಾಗುವಳಿ ಮಾಡುತ್ತಿರುವ ಸರ್ಕಾರಿ ಭೂಮಿಗೆ ಪಟ್ಟಾ ನೀಡಬೇಕು ಎಂದು ಆಗ್ರಹಿಸಿ ಗ್ರೇಡ್-2 ತಹಸೀಲ್ದಾರ್ ಅಬ್ದುಲ್ ವಾಹೀದ್ಗೆ ಮನವಿ ಸಲ್ಲಿಸಿದರು.
