ಏನೆಲ್ಲ ಪ್ರಶ್ನೆಗಳು ಇರಲಿವೆ?: ಒಟ್ಟು 10 ಪ್ರಶ್ನೆಗಳನ್ನು ಕೇಳಲಾಗಿದ್ದು, ಪ್ರಶ್ನೆಗಳ ಕೆಳ ಭಾಗದಲ್ಲಿ ಬಹು ಆಯ್ಕೆಯ ಉತ್ತರಗಳನ್ನು ನೀಡಲಾಗಿದ್ದು, ನಾಗಕರು ಅವುಗಳನ್ನು ಟಿಕ್ ಮಾಡುವ ಮೂಲಕ ಉತ್ತರಿಸಬಹುದು. ನಿಮ್ಮ ಮನೆ/ಶಾಪ್ಗೆ ಪ್ರತಿದಿನವೂ ತ್ಯಾಜ್ಯವನ್ನು ಸಂಗ್ರಹಿಸಲು ಯಾರಾದರು ಬರುತ್ತಾರೆಯೇ?, ಕಣ್ಣಿಗೆ ಕಾಣಿಸುವ ಕಸ ಮತ್ತು ನಿಯಮಿತವಾಗಿ ಗುಡಿಸುವ ವಿಷಯದಲ್ಲಿ ನೀವು ವಾಸಿಸುತ್ತಿರುವಂತಹ ಪ್ರದೇಶದ ಸ್ವಚ್ಛತೆಯನ್ನು ನೀವು ಹೇಗೆ ರೇಟ್ ಮಾಡುತ್ತೀರಿ?, ನಿಮ್ಮ ಪ್ರದೇಶದ ಬಳಿ ತೆಗೆದು ಹಾಕದೆಯೇ ಹಾಗೆಯೇ ಉಳಿದಿರುವಂತಹ ಕಸ ಅಥವಾ ಕಸದ ರಾಶಿಗಳು ಎಷ್ಟು ಬಾರಿ ನಿಮಗೆ ಕಾಣಿಸುವುದು?, ನಿಮ್ಮ ಮನೆಯ ತ್ಯಾಜ್ಯವನ್ನು ವಿಲೇವಾರಿ ಮಾಡುವ ಮೊದಲು ಕನಿಷ್ಠ ಒಣ ಕಸ ಹಾಗೂ ಹಸಿ ಕಸವಾಗಿ ವಿಂಗಡಣೆ ಮಾಡುತ್ತದೆಯೇ?, ತ್ಯಾಜ್ಯ ಸಂಗ್ರಹಿಸುವವರು ತ್ಯಾಜ್ಯವನ್ನು ವಿವಿಧ ವರ್ಗಗಳಾಗಿ ವಿಂಗಡಿಸಿ ವಾಹನಕ್ಕೆ ಲೋಡ್ ಮಾಡುತ್ತಾರೆಯೇ ಅಥವಾ ಎಲ್ಲವನ್ನೂ ಒಟ್ಟಿಗೆ ಬೆರೆಸಲಾಗುತ್ತಿದೆಯೇ? ಮಾರುಕಟ್ಟೆಗಳು, ಬಜಾರ್ಗಳು, ಉದ್ಯಾನಗಳು ಅಥವಾ ಇತರ ಪ್ರದೇಶಗಳಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಸ್ವಚ್ಛತೆಯನ್ನು ಕಾಪಾಡುವಲ್ಲಿ ಸ್ಥಳೀಯ ಅಧಿಕಾರಿಗಳು ಎಷ್ಟು ಪರಿಣಾಮಕಾರಿ ಎಂದು ನೀವು ಭಾವಿಸುತ್ತೀರಿ?, ನಿಮ್ಮ ನಗರದಲ್ಲಿ ತ್ಯಾಜ್ಯ ನಿರ್ವಹಣೆಗಾಗಿ ರೆಡ್ಯೂಸ್, ರೀಯ್ಯೂಸ್, ರಿಸೈಕಲ್ (ಆರ್ಆರ್ಆರ್) ಕೇಂದ್ರಗಳ ಬಗ್ಗೆ ನಿಮಗೆ ತಿಳಿದಿದೆಯೇ? ಯುಎಲ್ಬಿಯಲ್ಲಿ ಒಳಚರಂಡಿ ಮತ್ತು ಸೆಪ್ಟಿಕ್ ಟ್ಯಾಂಕ್ಗಳನ್ನು ಸ್ವಚ್ಛಗೊಳಿಸುವ ಕೆಲಸದಲ್ಲಿ ಪರವಾನಗಿ ಪಡೆದ ನಿರ್ವಾಹಕರು ಮಾತ್ರವೇ ಕೆಲಸದಲ್ಲಿ ತೊಡಗಿಸಿಕೊಳ್ಳಲು ಅನುಮತಿ ನೀಡಲಾಗಿದೆ ಎಂದು ನಿಮಗೆ ತಿಳಿದಿದೆಯೇ?, ನಿಮ್ಮ ಪ್ರದೇಶದಲ್ಲಿರುವ ಸಾರ್ವಜನಿಕ ಶೌಚಗೃಹಗಳ ಸ್ವಚ್ಛತೆ ಮತ್ತು ನಿರ್ವಹಣೆಯ ಬಗ್ಗೆ ನೀವು ಎಷ್ಟರ ಮಟ್ಟಿಗೆ ತೃಪ್ತರಾಗಿದ್ದೀರಿ?, ನೀವು ಎಂದಾದರೂ ಶುಚಿತ್ವಕ್ಕೆ ಸಂಬಂಧಿಸಿದ ಸಮಸ್ಯೆಯನ್ನು (ಉದಾಹರಣೆಗೆ ಕಸ ಸುರಿಯುವುದು, ತುಂಬಿ ಹರಿಯುವ ತೊಟ್ಟಿಗಳು, ನೈರ್ಮಲ್ಯದ ಕೊರತೆ) ಸ್ಥಳೀಯ ಅಧಿಕಾರಿಗಳಿಗೆ ವರದಿ ಮಾಡಿದ್ದೀರಾ ಮತ್ತು ಅದನ್ನು ಹೇಗೆ ಪರಿಹರಿಸಲಾಯಿತು ಎಂಬ ಪ್ರಶ್ನೆಗಳನ್ನು ಕೇಳಲಾಗಿದೆ. ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರ ನೀಡಿ ನಂತರ ಮೊಬೈಲ್ಗೆ ಬಂದಿರುವ ಓಟಿಪಿಯನ್ನು ನಮೂದಿಸಿ ಸಬ್ಮಿಟ್ ನೀಡಿದರೆ ಫೀಡ್ಬ್ಯಾಕ್ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ. ಸಿಟಿಜನ್ ಫೀಡ್ಬ್ಯಾಕ್ಗೆ ಈ ಬಾರಿ ಒಟ್ಟು 500 ಅಂಕಗಳನ್ನು ನಿಗದಿ ಪಡಿಸಲಾಗಿದೆ.
