ಹುಬ್ಬಳ್ಳಿ: ಉಳ್ಳಾಗಡ್ಡಿಗೆ ಬೆಂಬಲ ಬೆಲೆ ಕೊಡುವುದು ಸೇರಿ ವಿವಿಧ ಬೇಡಿಕೆ ಈಡೇರಿಸಬೇಕೆಂದು ಕರ್ನಾಟಕ ರಾಜ್ಯ ಈರುಳ್ಳಿ ಬೆಳೆಗಾರರ ಸಂಘದ ಅಧ್ಯಕ್ಷ ಎನ್.ಎಂ. ಸಿದ್ದೇಶ ಅವರು ರಾಜ್ಯ ಸರ್ಕಾರಕ್ಕೆ ಆಗ್ರಹಿಸಿದರು.
ನಗರದಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಪ್ರಸ್ತುತ ಕ್ವಿಂಟಾಲ್ ಈರುಳ್ಳಿಗೆ 1200 ರಿಂದ 1500 ರೂ.ವರೆಗೆ ಇದೆ. 1 ಕ್ವಿಂಟಾಲ್ಗೆ 3500 ರೂ.ರಿಂದ ಗರಿಷ್ಠ 5000 ರೂ.ವರೆಗೆ ಈರುಳ್ಳಿಗೆ ಬೆಂಬಲ ಬೆಲೆ ನೀಡಬೇಕು. ರೈತರ ಸಂಪೂರ್ಣ ಸಾಲ ಮನ್ನಾ ಮಾಡಬೇಕು. ಈರುಳ್ಳಿ ರಫ್ತು ತಕ್ಷಣ ಹಿಂಪಡೆಯಬೇಕು ಹಾಗೂ ಅತಿ ಹೆಚ್ಚು ಬೆಳೆಯುವ ಗದಗ ಜಿಲ್ಲೆಯಲ್ಲಿ ಈರುಳ್ಳಿ ಶೇಖರಣಾ ಘಟಕ ಸ್ಥಾಪನೆ ಸೇರಿದಂತೆ ವಿವಿಧ ಬೇಡಿಕೆ ಈಡೇರಿಸಬೇಕೆಂು ಸರ್ಕಾರಕ್ಕೆ ಹಕ್ಕೊತ್ತಾಯ ಮಾಡಿದರು.
ಬೇಡಿಕೆ ಈಡೇರದೇ ಹೋದರೆ ಮುಂದಿನ ದಿನಗಳಲ್ಲಿ ತೀವ್ರವಾದ ಹೋರಾಟ ನಡೆಸಲಾಗುವುದು ಎಂದು ಎಚ್ಚರಿಕೆ ನೀಡಿದರು. ಸುದ್ದಿಗೋಷ್ಠಿಯುದ್ದಕ್ಕೂ ಪದಾಧಿಕಾರಿಗಳಾದ ಲೋಕಣ್ಣ ಉಳ್ಳಾಗಡ್ಡಿ, ವೀರಪ್ಪ ಕಾಳಗಿ, ಬಸವರಾಜಪ್ಪ ಹಡಪದ, ತಿಪ್ಪಣ್ಣ ತಲ್ಲೂರ ಸೇರಿ ಇತರರು ಕೊರಳಲ್ಲಲಿ ಉಳ್ಳಾಗಡ್ಡಿ ಮಾಲೆ ಧರಿಸಿದ್ದರು.
