ಎಲೆಕ್ಟ್ರಾನಿಕ್ಸ್ ಸಿಟಿಯಲ್ಲಿ ಗಿರಿಯಾಸ್ ಮಳಿಗೆ ಆರಂಭ

ಬೆಂಗಳೂರು: ಗುಣಮಟ್ಟದ ಗೃಹೋಪಯೋಗಿ ವಸ್ತುಗಳ ಮಾರಾಟಕ್ಕೆ ಹೆಸರಾಗಿರುವ ಗಿರಿಯಾಸ್ ರಾಜಧಾನಿಯಲ್ಲಿ ಮಾರಾಟ ಜಾಲ ವಿಸ್ತರಿಸಿದೆ. ಎಲೆಕ್ಟ್ರಾನಿಕ್ಸ್ ಸಿಟಿಯ 1ನೇ ಹಂತದ ನೀಲಾದ್ರಿನಗರದಲ್ಲಿ 85ನೇ ಮೆಗಾಸ್ಟೋರ್ ತೆರೆದಿದೆ.

ದೊಡ್ಡತೂಗೂರು ಗ್ರಾ.ಪಂ. ಅಧ್ಯಕ್ಷ ಬಿ.ಕೆ. ಅನಿಲ್​ಕುಮಾರ್ ಮಳಿಗೆ ಉದ್ಘಾಟಿಸಿದರು. 10 ಸಾವಿರ ಚದರಡಿ ವಿಸ್ತೀರ್ಣದ ಮಳಿಗೆ ಹವಾನಿಯಂತ್ರಿತ ವ್ಯವಸ್ಥೆ ಹೊಂದಿದೆ. ಗ್ರಾಹಕರಿಗೆ ವಿಶೇಷ ಶಾಪಿಂಗ್ ಅನುಭವ ನೀಡಲಿದೆ.

ಒಂದೇ ಸೂರಿನಡಿ ಟಿವಿ, ರೆಫ್ರಿಜರೇಟರ್, ವಾಷಿಂಗ್​ವುಷಿನ್, ಬ್ಯ್ರಾಂಡೆಡ್ ಮೊಬೈಲ್​ಗಳು ಸೇರಿ ಎಲೆಕ್ಟ್ರಿಕಲ್ಸ್, ಎಲೆಕ್ಟ್ರಾನಿಕ್ಸ್ ಹಾಗೂ ಗೃಹಬಳಕೆಯ ಉತ್ಪನ್ನಗಳನ್ನು ಕೈಗೆಟುಕುವ ಬೆಲೆಗೆ ಮಾರಾಟ ಮಾಡುವ ಮೂಲಕ ಗಿರಿಯಾಸ್ ತನ್ನ ಸೇವಾ ವ್ಯಾಪ್ತಿಯನ್ನು ಹೆಚ್ಚಿಸಿಕೊಂಡಿದೆ.

ಹಿಟಾಚಿ ಏರ್ ಕಂಡೀಷನಿಂಗ್ ಇಂಡಿಯಾ ಲಿಮಿಟೆಡ್​ನ ನಿರ್ದೇಶಕ ಸಂಜೀವ್ ಅಗರ್​ವಾಲ್, ಗಿರಿಯಾಸ್​ನ ನಿರ್ದೇಶಕ ಎಚ್.ಆರ್.ಗಿರಿಯಾ, ಮನೀಶ್ ಗಿರಿಯಾ ಮತ್ತಿತರರು ಉಪಸ್ಥಿತರಿದ್ದರು.

ವಿಶೇಷ ಕೊಡುಗೆ ಲಭ್ಯ:  ಮಳಿಗೆ ಸ್ಥಾಪನೆ ಹಿನ್ನೆಲೆಯಲ್ಲಿ ಗಿರಿಯಾಸ್ ಫೆ. 23ರವರೆಗೆ ವಿಶೇಷ ಕೊಡುಗೆ ಘೋಷಿಸಿದೆ. ಮಳಿಗೆಯಲ್ಲಿ ವಸ್ತು ಖರೀದಿಸಿ ಕ್ರೆಡಿಟ್ ಕಾರ್ಡ್ ಮೂಲಕ ಹಣ ಪಾವತಿಸುವವರಿಗೆ ಸೇವಾ ಶುಲ್ಕದಿಂದ ವಿನಾಯಿತಿ ಮತ್ತು ಕೇವಲ 1 ರೂ. ಡೌನ್ ಪೇಮೆಂಟ್ ಮಾಡಿ ಉತ್ಪನ್ನ ಖರೀದಿಸಲು ಅವಕಾಶ ನೀಡಲಾಗಿದೆ. ಆಕರ್ಷಕ ಬಹುಮಾನ ಮತ್ತು ರಿಯಾಯಿತಿಯನ್ನೂ ನೀಡಲಾಗುತ್ತಿದೆ.