ಯಾರೇ ಸ್ಪರ್ಧಿಸಿದರೂ ಸ್ವಾಗತ: ಕೆ.ಆರ್.ಪೇಟೆಯಿಂದ ಎಚ್.ಡಿ.ರೇವಣ್ಣ ಸ್ಪರ್ಧೆ ಮಾಡಿದರೂ ಸ್ವಾಗತ ಮಾಡುತ್ತೇನೆ ಎಂದು ಸಚಿವ ಕೆ.ಸಿ.ನಾರಾಯಣಗೌಡ ಹೇಳಿದ್ದಾರೆ. ಕೆ.ಆರ್.ಪೇಟೆಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿರುವ ಅವರು, ಎಚ್.ಡಿ.ದೇವೇಗೌಡರು ಮತ್ತು ಎಚ್.ಡಿ.ಕುಮಾರಸ್ವಾಮಿ ಅಥವಾ ಎಚ್.ಡಿ.ರೇವಣ್ಣ ಬಂದರೂ ಭಯದ ವಾತಾವರಣ ಇಲ್ಲ. ಚುನಾವಣೆ ಎದುರಿಸುವುದು ನಮ್ಮ ಧರ್ಮ. ನಮ್ಮ ತಾಲೂಕಿನ ಮತದಾರ ದೇವರು ನಿರ್ಧಾರ ತೆಗೆದುಕೊಳ್ಳುತ್ತಾರೆ. ಸ್ಪರ್ಧೆ ಮಾಡುವುದಕ್ಕೆ ಬರಬೇಡಿ ಎಂದು ಹೇಳುವುದಕ್ಕೆ ನಾನ್ಯಾರು. ಯಾರು ಬೇಕಾದರೂ ಬರಬಹುದು. ಅಂತೆಯೇ ಯಾರು ಬೇಕಾದರೂ ಬರಲಿ. ನಾನು ಆ ರೀತಿ ದೊಡ್ಡ ಲೀಡರೇನಲ್ಲ. ಕೆ.ಆರ್.ಪೇಟೆ ಸೇವಕನಾಗಿ ಗುರುತಿಸಿಕೊಂಡಿದ್ದೇನೆ, ಸೇವಕನಾಗಿಯೇ ಇರುತ್ತೇನೆ. ಯಾರಿಗೂ ಕಾಂಪಿಟೆಷನ್ ಅಥವಾ ಕಂಪೇರ್ ಮಾಡುವುದಕ್ಕೆ ಹೋಗಲ್ಲ. ಅಭಿವೃದ್ಧಿ ಕೆಲಸಗಳನ್ನ ಮುಂದಿಟ್ಟುಕೊಂಡು ಚುನಾವಣೆಗೆ ಹೋಗುತ್ತೇನೆ ಎಂದರು.
