ಆಡಳಿತಮಂಡಳಿ ಅಧ್ಯಕ್ಷರಾಗಿ ಘೊಟ್ನೇಕರ

ಹಳಿಯಾಳ: ಹಳಿಯಾಳದ ರೈತರ ವಿವಿಧೊದ್ದೇಶಗಳ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘದ ಆಡಳಿತ ಮಂಡಳಿಯ ನೂತನ ಅಧ್ಯಕ್ಷರಾಗಿ ವಿಧಾನ ಪರಿಷತ್ ಮಾಜಿ ಸದಸ್ಯ ಎಸ್.ಎಲ್. ಘೊಟ್ನೇಕರ ಮತ್ತು ಉಪಾಧ್ಯಕ್ಷೆಯಾಗಿ ರುಕ್ಮಾ ಭಾಗ್ವತಕರ ಆಯ್ಕೆಯಾಗಿದ್ದಾರೆ.

ಪಟ್ಟಣದ ರೈತರ ವಿವಿಧೊದ್ದೇಶಗಳ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘದಲ್ಲಿ ಮಂಗಳವಾರ ಆಯ್ಕೆ ಪ್ರಕ್ರಿಯೆಯನ್ನು ಚುನಾವಣಾಧಿಕಾರಿ ಪಿ.ಐ. ಮಾನೆ ಅವರು ನಡೆಸಿ ನೂತನ ಅಧ್ಯಕ್ಷ - ಉಪಾಧ್ಯಕ್ಷರಿಗೆ ಪ್ರಮಾಣ ಪತ್ರ ನೀಡಿ ಆಯ್ಕೆಯನ್ನು ಘೊಷಿಸಿದರು.

ಮಾಜಿ ಶಾಸಕ ಸುನೀಲ ಹೆಗಡೆ, ಪ್ರಮುಖರಾದ ಶಿವಾಜಿ ನರಸಾನಿ, ಸಂತೋಷ ಘಟಕಾಂಬಳೆ, ತಾನಾಜಿ ಪಟ್ಟೇಕರ, ಉದಯ ಹೂಲಿ, ಶ್ರೀನಿವಾಸ ಘೊಟ್ನೇಕರ, ಅನಿಲ್ ಮುತ್ನಾಳೆ ಇತರರಿದ್ದರು.