ದೀಪಾವಳಿಯಿಂದ ಉತ್ಸಾಹ ನೂರ್ಮಡಿ

ಹುಬ್ಬಳ್ಳಿ: ನಗರದ ಉಣಕಲ್ ಬಳಿಯ ಜೆಎಸ್​ಎಸ್ ಶ್ರೀ ಮಂಜುನಾಥೇಶ್ವರ ಕೇಂದ್ರೀಯ ಶಾಲೆಯಲ್ಲಿ ಪೂರ್ವ ಪ್ರಾಥಮಿಕ ಶಾಲೆ ಮಕ್ಕಳು ಶುಕ್ರವಾರ ಉತ್ಸಾಹದಿಂದ ದೀಪಾವಳಿ ಹಬ್ಬವನ್ನು ಆಚರಿಸಿದರು.

ಪ್ರಾಚಾರ್ಯು ರಜನಿ ಪಾಟೀಲ ಮಾತನಾಡಿ, ದೀಪಾವಳಿಯು ಬೆಳಕಿನ ಹಬ್ಬ. ವರ್ಷವಿಡೀ ನಾವೆಲ್ಲ ಉತ್ಸಾಹದಿಂದ ಇರಬೇಕೆಂಬ ಉತ್ಸಾಹ ಮತ್ತು ಸಂಪ್ರದಾಯವನ್ನು ಈ ಹಬ್ಬ ಹೊಂದಿದೆ. ನಮ್ಮ ದೇಶದ ಸಂಸ್ಕೃತಿಯೂ ಹೌದು ಎಂದರು.

ಸಹ ಸಂಯೋಜಕಿ ಯಶಸ್ವಿನಿ ನಾಯಕ್, ಪೂರ್ವ ಪ್ರಾಥಮಿಕ ಶಾಲಾ ಶಿಕ್ಷಕಿಯರಾದ ಅನುರಾಧ ಬೆಂಗೇರಿ, ಮೇಘ ಚಿಕ್ಕ ಮಠ, ಶುಭಂ ಗಿಣಿ, ಅಶ್ವಿನಿ ಉಳ್ಳಿಕಾಶಿ, ಭಕ್ತಿ ಪಾಟೀಲ್ ಉಪಸ್ಥಿತರಿದ್ದರು.