ಏಜೀಸ್ ಕಂಪನಿ ಮತ್ತು ರೋಯಲ್ ವೋಪಾಕ್ ಎಂಬ ಎರಡು ಕಂಪನಿಗಳು ಸೇರಿ ಏಜೀಸ್ ವೋಪಾಕ್ ಟರ್ಮಿನಲ್ಸ್ ಲಿಮಿಟೆಡ್ ಎಂಬ ಜಾಯಿಂಟ್ ವೆಂಚರ್ ಕಂಪನಿಯನ್ನು ಸೃಷ್ಟಿಸಲಾಗಿದೆ. ಈ ಕಂಪನಿ ಮಂಗಳೂರು ಸೇರಿದಂತೆ ಪೂರ್ವ, ಪಶ್ಚಿಮ ಕರಾವಳಿಯ ಒಟ್ಟು 5 ಬಂದರುಗಳಲ್ಲಿ ಎಲ್ಪಿಜಿ ಮತ್ತು ಪೆಟ್ರೋಕೆಮಿಕಲ್ ಸಂಗ್ರಹಣಾಗಾರಗಳನ್ನು ಸ್ಥಾಪಿಸುತ್ತಿದೆ. ಇವುಗಳ ಒಟ್ಟು ಸಾಮರ್ಥ್ಯ 9,60,000 ಘನ ಮೀಟರ್ ಆಗಿದ್ದು ದೇಶದ ಅತಿ ದೊಡ್ಡ ಸಂಗ್ರಹವಾಗಲಿದೆ. ಐದು ಬಂದರುಗಳಾದ ಮಂಗಳೂರು, ಕಾಂಡ್ಲಾ, ಪಿಪಾವಾವ್, ಕೊಚ್ಚಿ ಮತ್ತು ಹಾಲ್ಡಿಯಾಗಳಲ್ಲಿ ಎಲ್ಪಿಜಿ ಸಂಗ್ರಹಣಾಗಾರಗಳಿರುತ್ತವೆ. ಇತ್ತೀಚೆಗಷ್ಟೇ ನವಮಂಗಳೂರು ಬಂದರಿಗೆ ಭೇಟಿ ನೀಡಿದ್ದ ನೌಕಾಯಾನ ಮತ್ತು ಬಂದರು ಸಚಿವ ಸರ್ಬಾನಂದ ಸೋನೊವಾಲ್ ಯೋಜನೆಯನ್ನು ಪ್ರಕಟಿಸಿದ್ದರು.
