ಪಂಪ್​ ಹೌಸ್​ನಲ್ಲಿ ಕಸದ ರಾಶಿ

ಶುದ್ಧ ನೀರಿನ ಘಟಕದ ಬಳಿ ತ್ಯಾಜ್ಯ ವಿಂಗಡಣೆ | ಪಾಲಿಕೆಯ ಬೇಜವಾಬ್ದಾರಿಗೆ ಆಕ್ರೋಶ

ವಿಜಯವಾಣಿ ಸುದ್ದಿಜಾಲ ತುಮಕೂರು
ನಗರದ ವಿವಿಧ ಬಡಾವಣೆಗಳಿಗೆ ಕುಡಿಯುವ ನೀರು ಪೂರೈಸುವ ವಿದ್ಯಾನಗರದ ಪಂಪ್​ ಹೌಸ್​ ಇದೀಗ ಕಸ
ವಿಂಗಡಣೆ ಟಕವಾಗಿ ಮಾರ್ಪಟ್ಟಿದೆ. ಇದು ಮಹಾನಗರ ಪಾಲಿಕೆಯ ಬೇಜವಾಬ್ದಾರಿತನಕ್ಕೆ ಕನ್ನಡಿ ಹಿಡಿದಂತಿದೆ!.

ತುಮಕೂರಿನ ಅರ್ಧ ನಗರಕ್ಕೆ ನೀರು ಪೂರೈಸುತ್ತಿದ್ದ ವಿದ್ಯಾನಗರ ಪಂಪ್​ ಹೌಸ್​ ಅತ್ಯಂತ ಹಳೇಯದು. ಈ ಪಂಪ್​ ಹೌಸ್​ ಅನ್ನು ಇತ್ತೀಚಿಗೆ ಆಧುನೀಕರಣಗೊಳಿಸಿದ್ದು, 20 ಲಕ್ಷ ಲೀಟರ್​ ಸಾಮರ್ಥ್ಯದ ವಿದ್ಯಾನಗರ ಪಂಪ್​ ಹೌಸ್​ನಿಂದ ನಗರದ ವಿವಿಧ ಬಡಾವಣೆಗಳ ಓವರ್​ ಹೆಡ್​ ಟ್ಯಾಂಕ್​ಗಳಿಗೆ ನೀರು ಸರಬರಾಜು ಮಾಡಲಾಗುತ್ತಿದೆ. ಆದರೆ, ಈ ಜಾಗದಲ್ಲೇ ಮನೆ, ಮನೆಗಳಿಂದ ಸಂಗ್ರಹಿಸಿದ ಆಟೋಗಳಿಂದ ಒಣ ಕಸ, ಹಸಿ ಕಸ ಬೇರ್ಪಡಿಸಿ ದೊಡ್ಡ ಲಾರಿಗಳಿಗೆ ತುಂಬಿಸಿ ಅಜ್ಜಗೊಂಡನಹಳ್ಳಿ ಕಸ ವಿಲೇವಾರಿ ಟಕಕ್ಕೆ ಸಾಗಿಸುವ ಕಾರ್ಯ ಸಾಂಗೋಪವಾಗಿ ನಡೆಯುತ್ತಿರುವುದು ಆತಂಕಕಾರಿ ಎನಿಸಿದೆ.

ನೀರು ಕಲುಷಿತಗೊಳ್ಳುವ ಭೀತಿ: ವಿದ್ಯಾನಗರ ಪಂಪ್​ ಹೌಸ್​ ಆವರಣದಲ್ಲೇ ಕಸ ಬೇರ್ಪಡಿಸುವ ಟಕವನ್ನು ಆರಂಭಿಸಿದ್ದು, ಮಳೆಗಾಲದಲ್ಲಿ ಈ ಕಸದ ತ್ಯಾಜ್ಯ ನೀರು ಪಂಪ್​ ಹೌಸ್​ ಶುದ್ಧೀಕರಣ ಟಕ ಸೇರುವ ಸಾಧ್ಯತೆ ಇದೆ. ಈ ತ್ಯಾಜ್ಯ ಬೇರ್ಪಡಿಕೆ ಟಕ ಯೋಜನೆ ಅನಾರೋಗ್ಯಕರವಾಗಿದ್ದು, ಶುದ್ಧ ನೀರಿನ ಘಟಕದಲ್ಲಿ ಕಸದ ವಿಭಜನೆಯಿಂದ ಡೆಂಘೆ  ಸೇರಿದಂತೆ ನಾನಾ ರೋಗಗಳು ಹರಡುವ ಸಾಧ್ಯತೆ ಇದೆ. ಕಸ ಸಂಗ್ರಹಿಸುವ ಆಟೋಗಳು ಹಾಗೂ ಕಸ ತುಂಬುವ ದೊಡ್ಡ ಲಾರಿಗಳಿಂದ ಕಸ ಚೆಲ್ಲಿ ಮಳೆಗಾಲದಲ್ಲಿ ತ್ಯಾಜ್ಯ ನೀರು ಶುದ್ಧ ನೀರಿನ ಟಕಗಳ ಸೇರಲಿದೆ. ಕಸದ ಲಾರಿ ತ್ಯಾಜ್ಯ ನೀರು ಹರಿದು ಶುದ್ಧ ನೀರಿನಲ್ಲಿ ಮಿಶ್ರಣವಾಗಲಿದೆ. ಅಲ್ಲದೆ, ಕೆಟ್ಟ ವಾಸನೆ ಉಂಟಾಗಿ ವಿದ್ಯಾನಗರ ನಿವಾಸಿಗಳು ಮೂಗುಮುಚ್ಚಿಕೊಂಡು ಓಡಾಡುವ ಆತಂಕ ಎದುರಾಗಲಿದೆ. ಇನ್ನಾದರೂ ಪಾಲಿಕೆ ಪರಿಸರ, ಆರೋಗ್ಯ ಶಾಖೆ ಸಿಬ್ಬಂದಿ ಇಂತಹ ಅವೈಜ್ಞಾನಿಕ ಕಸ ಬೇರ್ಪಡಿಕೆ
ಘಟಕವನ್ನು ಬೇರೆಡೆಗೆ ಸ್ಥಳಾಂತರಿಸಬೇಕೆಂಬುದು ಸ್ಥಳಿಯರ ಆಗ್ರಹವಾಗಿದೆ. ಆ ಮೂಲಕ ಶುದ್ಧ ನೀರಿನ ಟಕದಲ್ಲಿ ಶುದ್ಧತೆ ಮತ್ತು ಆರೋಗ್ಯ ಕಾಪಾಡಬೇಕೆಂಬ ಒತ್ತಾಯ ಸಾರ್ವಜನಿಕರಿಂದ ಕೇಳಿಬಂದಿದೆ.

ಓವರ್​ಹೆಡ್​ ಟ್ಯಾಂಕ್​ಗಳಿಗೆ ನೀರು ಸರಬರಾಜು: ವಿದ್ಯಾನಗರ, ಕುವೆಂಪುನಗರ, ಡೆವರ್ಸ್​ ಕಾಲನಿ ಹಾಗೂ ಹನುಮಂತಪುರ ಓವರ್​ ಹೆಡ್​ ಟ್ಯಾಂಕ್​ಗಳಿಗೆ ಹಾಗೂ ಅಶೋಕ ನಗರ, ಗಂಗೋತ್ರಿ ನಗರ, ದೇವರಾಯಪಟ್ಟಣ ಹಾಗೂ ಶ್ರೀನಗರ ಬಡಾವಣೆಯ ಓವರ್​ ಹೆಡ್​ ಟ್ಯಾಂಕ್​ಗಳಿಗೆ ಈ ಪಂಪ್​ ಹೌಸ್​ನಿಂದ ನೀರು ಸರಬರಾಜು ಮಾಡಲಾಗುತ್ತಿದೆ.