ಆಂಧ್ರದಿಂದ ಕೋಟಿ ರೂ.ಮೌಲ್ಯದ ಗಾಂಜಾ ಸಾಗಾಟ, ನಾಲ್ವರ ಬಂಧನ

ಆಂಧ್ರಪ್ರದೇಶದ ತೂಣಿಯಿಂದ ಕೇರಳಕ್ಕೆ ಸಾಗಾಟ ಮಾಡಲಾಗುತ್ತಿದ್ದ ಸುಮಾರು 1 ಕೋಟಿ ರೂಪಾಯಿ ಮೌಲ್ಯದ ಗಾಂಜಾ ಸಹಿತ ನಾಲ್ವರನ್ನು ಮಂಗಳೂರು ಪೊಲೀಸರು ಬಂಧಿಸಿದ್ದಾರೆ.
ಆರೋಪಿಗಳು ಮೀನು ಸಾಗಾಟದ ಲಾರಿಯಲ್ಲಿ ಗಾಂಜಾದ ಪ್ಯಾಕೆಟ್‌ಗಳನ್ನು ಅಡಗಿಸಿ ಸಾಗಾಟ ಮಾಡುತ್ತಿದ್ದರು. ಆಂದ್ರಪ್ರದೇಶದಿಂದ ಹಾಸನ-ಮಂಗಳೂರು ಮಾರ್ಗವಾಗಿ ಈ ಸಾಗಾಟ ಮಾಡುವ ವೇಳೆ ಬುಧವಾರ ಬೆಳಗ್ಗಿನ ಜಾವ ಪೊಲೀಸರು ತಲಪಾಡಿ ಬಳಿ ಲಾರಿ ಅಡ್ಡಗಟ್ಟಿದ್ದಾರೆ.
ನಾಲ್ವರು ಆರೋಪಿಗಳಾದ ಕಾಸರಗೋಡು ನಿವಾಸಿ ಮೊಹಮ್ಮದ್ ಫಾರುಕ್, ಕೊಡಗು ಕುಶಾಲನಗರದ ಸಯ್ಯದ್ ಮೊಹಮ್ಮದ್, ಮುಡಿಪುವಿನ ಮೊಹಮ್ಮದ್ ಅನ್ಸಾರ್, ಮಂಜೇಶ್ವರದ ಮೊಹಿದ್ದೀನ್ ನವಾಜ್ ಬಂಧಿತರು.