ಮಾಸಿಕ 31ಸಾವಿರ ರೂ. ವೇತನ ನೀಡಿ

ಸಮಿತಿ ಜಿಲ್ಲಾಧ್ಯಕ್ಷ ಗ್ಯಾನೇಶ ಕಡಗದ್ ಮಾತನಾಡಿ, ಸರ್ಕಾರದ ವಿವಿಧ ಇಲಾಖೆಯಡಿ ಕಾರ್ಯನಿರ್ವಹಿಸುತ್ತಿರುವ ಹಾಸ್ಟೆಲ್ ಮತ್ತು ವಸತಿ ಶಾಲೆ ನೌಕರರಿಗೆ ಜೀವನ ಭದ್ರತೆಯಿಲ್ಲದಂತಾಗಿದ್ದು, ಕಡಿಮೆ ವೇತನದಲ್ಲಿ ಹೆಚ್ಚು ಅವಧಿ ಕೆಲಸ ಮಾಡಬೇಕಿದೆ. 15-20 ವರ್ಷಗಳಿಂದ ದುಡಿಯುತ್ತಿದ್ದರೂ ಸರ್ಕಾರಿ ಸೌಲಭ್ಯ ಸಿಕ್ಕಿಲ್ಲ.

ಅಡುಗೆಯವರು, ಸಹಾಯಕರು, ಸ್ವಚ್ಛತಾಗಾರರು, ಕಾವಲುಗಾರರು, ಡಿ ಗ್ರೂಪ್ ಅಟೆಂಡರ್, ಕಂಪ್ಯೂಟರ್ ಆಪರೇಟರ್, ಡಾಟಾ ಎಂಟ್ರಿ ಆಪರೇಟರ್‌ಗಳು, ಹೊರಗುತ್ತಿಗೆ ಶಿಕ್ಷಕರು, ದಿನಗೂಲಿ ನೌಕರರು ಸೇವಾ ಭದ್ರತೆಯಿಲ್ಲದೆ ದುಡಿಯುತ್ತಿದ್ದಾರೆ. ನೌಕರರನ್ನು ಗುತ್ತಿಗೆದಾರರು, ಮೇಲ್ವಿಚಾರಕರು, ತಾಲೂಕು ಮತ್ತು ಜಿಲ್ಲಾ ಮಟ್ಟದ ಅಧಿಕಾರಿಗಳು ಶೋಷಿಸುತ್ತಿದ್ದಾರೆ. ಮಾಸಿಕ 31ಸಾವಿರ ರೂ. ವೇತನ ನಿಗದಿ, ಕಾಯಂಗೊಳಿಸುವುದು, ಸೇವಾಭದ್ರತೆ, ಇಡಿಗಂಟು 10ಲಕ್ಷ ರೂ. ನಿಗದಿ ಸೇರಿ ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಒತ್ತಾಯಿಸಿದರು.

ನೌಕರರ ಸಮಸ್ಯೆಗಳನ್ನು ಅಧಿವೇಶನದಲ್ಲಿ ಚರ್ಚಿಸುವ ಮೂಲಕ ಬಜೆಟ್ ಮಂಡನೆ ವೇಳೆ ಬೇಡಿಕೆ ೋಷಣೆಯಾಗುವಂತೆ ಗಮನಸೆಳೆಯುವಂತೆ ಶಾಸಕರಿಗೆ ಒತ್ತಾಯಿಸಿದರು. ಪದಾಧಿಕಾರಿಗಳಾದ ದಾವಲಸಾಬ್, ಕೀರಪ್ಪ, ಆನಂದ, ಬಾಲನಗೌಡ, ರಮೇಶ, ವಿಜಯಲಕ್ಷ್ಮೀ, ಜಾನಕಿ, ಅನ್ನಪೂರ್ಣಾ, ಶಿವಕುಮಾರ, ಮಂಜುನಾಥ, ಬಾಷುಸಾಬ ಇತರರಿದ್ದರು.