ವ್ಯಾಪಾರ ಜೋರು: ಎಲ್ಲೆಂದರಲ್ಲಿ ಪ್ರವಾಸಿಗರ ವಾಹನ ನಿಲುಗಡೆಯಿಂದ ನಂದಯ್ಯಕತ್ರಿಯಿಂದ ಸಣಾಪುರ ವರೆಗೂ ಟ್ರಾಫಿಕ್ ಜಾಮ್ ಆಗಿದ್ದು, 4 ಗಂಟೆಗಳ ಕಾಲ ವಾಹನಗಳು ನಿಂತಲ್ಲಿ ನಿಂತಿದ್ದವು. ಗ್ರಾಮೀಣ ಠಾಣೆ ಪಿಐ ಎನ್.ಮಂಜುನಾಥ ಮತ್ತು ಪಿಎಸೈ ಶಾರದಮ್ಮ ರಸ್ತೆಯಲ್ಲಿ ನಿಂತು, ವಾಹನಗಳ ಸಂಚಾರಕ್ಕೆ ಅನವು ಮಾಡಿಕೊಟ್ಟರೂ, ಬೈಕ್ಗಳ ಬೇಕಾಬಿಟ್ಟಿ ಓಡಾಟದಿಂದ ರೋಸಿಹೋಗಿದ್ದರು. ಬಳ್ಳಾರಿ, ವಿಜಯಪುರ, ಬಾಗಲಕೋಟೆ, ಚಿತ್ರದುರ್ಗ, ರಾಯಚೂರು, ಆಂಧ್ರದಿಂದ ಹೆಚ್ಚಿನ ಭಕ್ತರು ಬಂದಿದ್ದರು. ರಸ್ತೆ ಬದಿಯ ಅಂಗಡಿಗಳಲ್ಲಿ ವ್ಯಾಪಾರ ಜೋರಾಗಿತ್ತು. ಬೆಟ್ಟದ ಮೇಲೆ ಸೆಲ್ಫಿಗಾಗಿ ಯುವಕ, ಯುವತಿಯರು ಮುಗಿಬಿದ್ದಿದ್ದು, ನಿಯಂತ್ರಿಸಲು ಪೊಲೀಸರು ಹರಸಾಹಸ ನಡೆಸಿದರು. ವಾರದ ಹಿಂದೆ ಚಿರತೆಯೊಂದು ಬೆಟ್ಟದ ಬಳಿ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಪೊದೆಗಳತ್ತ ಹೋಗುವ ಪ್ರೇಮಿಗಳಿಗೆ ಪೊಲೀಸರು ಮೇಲಿಂದ ಮೇಲೆ ಜಾಗೃತಿ ಮೂಡಿಸುತ್ತಿದ್ದರು.
