ಭತ್ತ ಖರೀದಿ ಕೇಂದ್ರ ತೆರೆಯುವ ವಿಚಾರದಲ್ಲಿ ಬಳ್ಳಾರಿ, ರಾಯಚೂರು, ಕೊಪ್ಪಳ, ವಿಜಯನಗರ ಜಿಲ್ಲೆಯ ಶಾಸಕ, ಸಂಸದರ ನಿಯೋಗ ಮೇ 4ರಂದು ಸಿಎಂ ಭೇಟಿಯಾಗುತ್ತಿದ್ದು, ರೈತರು ಅನುಭವಿಸುತ್ತಿರುವ ವಾಸ್ತವಿಕತೆ ಬಗ್ಗೆ ಚರ್ಚಿಸಲಾಗುವುದು. ಬೆಲೆ ಖಾತರಿ ಕಾಯ್ದೆ ಜಾರಿಯಾದರೆ ರೈತರಿಗೆ ಅನುಕೂಲವಾಗಲಿದ್ದು, ವಾಸ್ತವಿಕತೆ ವರದಿ ಕೊರತೆಯಿಂದ ಖರೀದಿ ಕೇಂದ್ರದ ಬೆಲೆ ನಿಗದಿಗೆ ವೇದಿಕೆ ಸಿಗುತ್ತಿಲ್ಲ. ಭತ್ತದ ಬೆಳೆಯುವ ಪ್ರದೇಶದಲ್ಲಿ 20.25 ಲಕ್ಷ ಕ್ವಿಂಟಾಲ್ ಇಳುವರಿ ನಿರೀಕ್ಷಿಸಿದ್ದು, ಫಸಲಿನ ಬಹುತೇಕ ಕಟಾವು ಪೂರ್ಣಗೊಂಡಿದೆ. ಕೃಷಿ, ಎಪಿಎಂಸಿ, ನೀರಾವರಿ ಮತ್ತು ಕಂದಾಯ ಅಧಿಕಾರಿಗಳು ನೀಡುವ ಸಮೀಕ್ಷೆ ರೀತಿ ಬದಲಾಗಬೇಕಿದ್ದು, ಪ್ರಾಯೋಗಿಕ ವರದಿಗೆ ಮಹತ್ವ ನೀಡಬೇಕಿದೆ. ನಿಜವಾದ ನಷ್ಟ ಅನುಭವಿಸಿದ ರೈತರಿಗೆ ವಿಮೆ ದೊರೆಯುತ್ತಿಲ್ಲ. ರೈಸ್ ಮಿಲ್ಲರ್ಸ್ ಕ್ವಿಂಟಾಲ್ಗೆ 65 ಕೆಜಿ ಅಕ್ಕಿ ನೀಡಿದರೆ ಹೊರ ರಾಜ್ಯದಿಂದ ಅಕ್ಕಿ ಆಮದು ಮಾಡಿಕೊಳ್ಳುವುದನ್ನು ತಪ್ಪಿಸಬಹುದಾಗಿದೆ ಎಂದರು.
