ತಾಲೂಕು ವಕೀಲರ ಸಂಘದ ಕಾರ್ಯದರ್ಶಿ ಎಚ್.ಎಂ.ಮಂಜುನಾಥ ಮಾತನಾಡಿ, ಬೆಂಗಳೂರು ಮತ್ತು ಹುಬ್ಬಳ್ಳಿ ರೈಲು ಮಾರ್ಗವನ್ನು ಸಿಂಧನೂರುವರೆಗೂ ವಿಸ್ತರಿಸಿದ್ದು ಪ್ರಶಂಸನೀಯ. ಹಾಗೆಯೇ ಗಂಗಾವತಿ, ಕಂಪ್ಲಿ ಮತ್ತು ದರೋಜಿ ರೈಲ್ವೆ ಯೋಜನೆಯನ್ನು ಶೀಘ್ರವೇ ಸಾಕಾರಗೊಳಿಸಬೇಕಿದೆ. ಬಸಾಪುರದಲ್ಲಿ ಉಡಾನ್ ಯೋಜನೆ ಅನುಷ್ಠಾನ, ಗಿಣಿಗೇರ- ರಾಯಚೂರ ರಾಜ್ಯ ಹೆದ್ದಾರಿಯನ್ನು ರಾಷ್ಟ್ರೀಯ ಹೆದ್ದಾರಿಯನ್ನಾಗಿ ಪರಿವರ್ತಿಸಿ. ಚತುಷ್ಪ ರಸ್ತೆ ನಿರ್ಮಾಣ, ಬೂದಗುಂಪಾ, ಗಂಗಾವತಿ, ಕಂಪ್ಲಿ, ಕುಡತಿನಿ ರಾಜ್ಯ ಹೆದ್ದಾರಿಯನ್ನು ಮೇಲ್ದರ್ಜೆಗೇರಿಸುವುದು. ಗೋವಾ, ಮುಂಬೈ, ತಿರುಪತಿ, ಹೈದರಾಬಾದ್ ರೈಲ್ವೆ ಸಂಚಾರ ಸಿಂಧನೂರುವರೆಗೆ ವಿಸ್ತರಣೆ ಮಾಡಿ. ಕಾರಟಗಿ ತಾಲೂಕಿನ ನಂದಿಹಳ್ಳಿ ಮತ್ತು ಸಿರಗುಪ್ಪ ತಾಲೂಕಿನ ನಿಟ್ಟೂರು ಬಳಿಯ ತುಂಗಭದ್ರಾ ನದಿಗೆ ಅಡ್ಡಲಾಗಿ ಸೇತುವೆ ನಿರ್ಮಿಸುವಂತೆ ಒತ್ತಾಯಿಸಿದರು.
