ಶ್ರೀಕೃಷ್ಣನ ಉಪದೇಶಗಳನ್ನು ಅರಿಯಿರಿ

ಗಂಗಾವತಿ: ಭಗವಾನ್ ಶ್ರೀಕಷ್ಣನ ನಾಮಸ್ಮರಣೆ ಮಾಡಬೇಕಿದ್ದು, ಉಪದೇಶಗಳನ್ನು ಅರಿಯಬೇಕಿದೆ ಎಂದು ಶ್ರೀ ವಿದ್ಯಾನಿಕೇತನ ಸಮೂಹ ಶಿಕ್ಷಣ ಸಂಸ್ಥೆ ಅಧ್ಯಕ್ಷ ನೆಕ್ಕಂಟಿ ಸೂರಿಬಾಬು ಹೇಳಿದರು.

ತಾಲೂಕಿನ ಶ್ರೀರಾಮನಗರದ ಪಬ್ಲಿಕ್ ಶಾಲೆಯಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ಶ್ರೀಕೃಷ್ಣ ಜನ್ಮಾಷ್ಟಮಿ ಕಾರ್ಯಕ್ರಮದಲ್ಲಿ ಮಾತನಾಡಿದರು. ವಿದ್ಯಾರ್ಥಿಗಳು ಕೃಷ್ಣ-ಸುಧಾಮನ ಸ್ನೇಹ, ತಾಯಿ ವಾತ್ಸಲ್ಯ, ಮಮತೆ, ಯುಕ್ತಿ, ಶಕ್ತಿ, ಭಕ್ತಿ ಹಾಗೂ ಪ್ರೀತಿಯ ಗುಣಗಳನ್ನು ಅಳವಡಿಸಿಕೊಂಡು ಉತ್ತಮ ವ್ಯಕ್ತಿತ್ವ ರೂಪಿಸಿಕೊಳ್ಳಬೇಕು ಎಂದರು. ವಿದ್ಯಾರ್ಥಿಗಳು ಕೃಷ್ಣ ಮತ್ತು ರಾಧೆಯ ವೇಷ ಧರಿಸಿ ಶ್ರೀಕೃಷ್ಣನ ಉಪದೇಶಗಳ ನತ್ಯ-ರೂಪಕಗಳನ್ನು ಪ್ರದರ್ಶಿಸಿದರು.

ಸಮಾಜಕ್ಕೆ ಸಂದೇಶ ಸಾರುವ ಗೀತೆ ಗಾಯನ, ವಿವಿಧ ವಿನೋದಾವಳಿಗಳನ್ನು ಅನುಕರಿಸಿದರು. ಶೈಕ್ಷಣಿಕ ನಿರ್ದೇಶಕಿ ಎಸ್.ಕೃಷ್ಣವೇಣಿ, ಪ್ರಾಥಮಿಕ ವಿಭಾಗದ ಶೈಕ್ಷಣಿಕ ಮುಖ್ಯಸ್ಥೆ ಜೆ.ಲಕ್ಷ್ಮೀ, ಕ್ಯಾಂಪಸ್ ಉಸ್ತುವಾರಿ ನಾಗೇಶ, ಕಾರ್ಯದರ್ಶಿ ಮಂಜುನಾಥ, ಪಿಆರ್‌ಎಂ ನಿಂಗಪ್ಪ, ಶಿಕ್ಷಕರು, ಸಿಬ್ಬಂದಿ ಇದ್ದರು.