ಜನ ಸಂಘದಿಂದ ಬಿಜೆಪಿಗೆ ಅಧಿಕಾರಿ

ಗಂಗಾವತಿ: ನಗರದ ಬಿಜೆಪಿ ಕಚೇರಿಯಲ್ಲಿ ವಿವಿಧ ಮೋರ್ಚಾದಿಂದ ಭಾರತೀಯ ಜನ ಸಂಘದ ಸಂಸ್ಥಾಪಕ ಪಂ.ದೀನದಯಾಳ್ ಉಪಾಧ್ಯಾಯ ಜಯಂತ್ಯುತ್ಸವ ಗುರುವಾರ ಆಚರಿಸಲಾಯಿತು.

ಭಾವಚಿತ್ರಕ್ಕೆ ಪುಷ್ಪಾರ್ಪಣೆ ಸಲ್ಲಿಸಿದ ಮಾಜಿ ಶಾಸಕ ಪರಣ್ಣ ಮುನವಳ್ಳಿ ಮಾತನಾಡಿ, ದೇಶದಲ್ಲಿ ಹಲವು ರಾಜ್ಯಗಳಲ್ಲಿ ಬಿಜೆಪಿ ಅಧಿಕಾರಕ್ಕೆ ಬರಲು ಸಂಸ್ಥಾಪಕರ ತ್ಯಾಗ ಮತ್ತು ನಿಸ್ವಾರ್ಥ ಸೇವೆ ಕಾರಣವಾಗಿದ್ದು, ಪಕ್ಷದ ಕಾರ್ಯಕರ್ತರು ನಿತ್ಯ ಸ್ಮರಣೀಯರಾಗಿದ್ದಾರೆ. ಅಧಿಕಾರಕ್ಕಾಗಿ ಆಸೆ ಪಡದೇ ದೇಶದ ಹಿತಕ್ಕಾಗಿ ಜನಸಂಘ ಸ್ಥಾಪಿಸಿದ್ದರಿಂದಲೇ ಬಿಜೆಪಿ ಅಸ್ವಿತ್ವಕ್ಕೆ ಬರಲು ಕಾರಣ ಎಂದರು.

ನಗರಸಭೆ ಸದಸ್ಯ ವಾಸುದೇವ ನವಲಿ, ಮಾಜಿ ಸದಸ್ಯ ಮನೋಹರಗೌಡ ಹೇರೂರು, ಬಿಜೆಪಿ ನಗರ ಮಂಡಲ ಅಧ್ಯಕ್ಷ ಚಂದ್ರು ಹಿರೂರು, ಗ್ರಾಮೀಣ ಮಂಡಲ ಅಧ್ಯಕ್ಷ ಡಿ.ಕೆ.ಆಗೋಲಿ, ಪದಾಧಿಕಾರಿಗಳಾದ ಶ್ರೀನಿವಾಸ ಧೂಳಾ, ಶಿವಪ್ರಕಾಶ ಅಕ್ಕಿ ಇತರರಿದ್ದರು.