ಕೇಂದ್ರ ಸರ್ಕಾರ ಕಾರ್ಮಿಕ ವಿರೋಧಿ ಕಾನೂನು ಜಾರಿಗೆ ತರುತ್ತಿದ್ದು, ಕೆಲಸದ ಅವಧಿ 12 ಗಂಟೆಗೆ ಹೆಚ್ಚಳ ಮಾಡುತ್ತಿದೆ. ಕಾರ್ಮಿಕರಿಗೆ ಜೀವನ ಭದ್ರತೆ ಒದಗಿಸುವ ಯಾವುದೇ ಯೋಜನೆ ಜಾರಿಗೊಳಿಸುತ್ತಿಲ್ಲ. ಕನಿಷ್ಟ ವೇತನ ಕಾಯ್ದೆ ಮರೀಚಿಕೆಯಾಗಿದ್ದು, ಕಾರ್ಮಿಕ ಸಂಹಿತೆ ರದ್ದು ಒತ್ತಾಯಿಸಿ ಕೆಲಸ ಸ್ಥಗಿತಗೊಳಿಸಿ ಮುಷ್ಕರ ಹಮ್ಮಿಕೊಳ್ಳಲಾಗಿದೆ. ಅಸಂಘಟಿತ ವಲಯದ ಕಾರ್ಮಿಕರಿಗೆ ಜೀವನ ಭದ್ರತೆ, ಕನಿಷ್ಟ ವೇತನ, ಕಟ್ಟಡ ಕಾರ್ಮಿಕರಿಗೆ ಮೂಲ ಸೌಕರ್ಯ, ಹಮಾಲಿ ಕಾರ್ಮಿಕರಿಗೆ ಪಿಎ್, ಪಿಂಚಣಿ, ಖಾತರಿ ಯೋಜನೆಯಡಿ 200 ದಿನ ಮಾನವ ದಿನ ಮತ್ತು 600 ರೂ.ಕೂಲಿ ನಿಗದಿ, ಶಿಕ್ಷಣಕ್ಕೆ ಶೇ.30 ಅನುದಾನ ಮೀಸಲು, ದೇವದಾಸಿ, ಅಂಗವಿಕಲರ ಮಾಸಿಕ ಪಿಂಚಣಿ ಹೆಚ್ಚಳ ಸೇರಿ ವಿವಿಧ ಬೇಡಿಕೆ ಈಡೇರಿಸುವಂತೆ ಒತ್ತಾಯಿಸಲಾಗುವುದು.
