ತುಂತುರು ಹನಿಯ ನಡುವೆ ಮುಂಗಾರು ಮಳೆ ಹುಡುಗನ ಕೃಷ್ಣಂ ಪ್ರಣಯ ಸಖಿಯ ಚಿತ್ರದ 3ನೇ ಹಾಡು ಬಿಡುಗಡೆ

ತುಮಕೂರು: ಸಂಜೆ ತುಂತುರ ಹನಿಯ ನಡುವೆಯೇ ಮುಂಗಾರು ಮಳೆ ಹುಡಗ, ಗೋಲ್ಡನ್​ ಸ್ಟಾರ್​ ಗಣೇಶ್​ ಅಭಿನಯದ ಬಹು ನಿರೀಕ್ಷಿತ ಕೃಷ್ಣಂ ಪ್ರಣಯ ಸಖಿಯ ಚಿತ್ರದ 3ನೇ ಹಾಡು ಬಿಡುಗಡೆಗೊಂಡಿದ್ದು ವಿಶೇಷವಾಗಿತ್ತು. ತುಮಕೂರಿನ ವಿದ್ಯಾವಾಹಿನಿ ಪ್ರಥಮದರ್ಜೆ ಕಾಲೇಜು ಹಬ್ಬ ವಿವಿಯನ್​ ವೈಭವ್​ ವೇದಿಕೆಯಲ್ಲಿ ಶುಕ್ರವಾರ ಸಂಜೆ ಗಣೇಶ್​, ನಟಿ ಮಾಳವಿಕಾ ನಾಯರ್​ ಕಾಣಿಸಿಕೊಳ್ಳುತ್ತಿದ್ದಂತೆ ಕಾಲೇಜು ಹುಡಗರ ಜೋಶ್​ ಮುಗಿಲು ಮುಟ್ಟಿತ್ತು.

ಈಗಾಗಲೇ ಸಾಮಾಜಿಕ ಜಾಲತಾಣದಲ್ಲಿ ಈ ಚಿತ್ರದ ಹಾಡುಗಳು ಸಾಕಷ್ಟು ಸದ್ದು ಮಾಡಿದ್ದು "ಚಿನ್ನಮ್ಮ ಚಿನ್ನಮ್ಮ' ಹಾಡು ಎಲ್ಲೆಡೆ ಅನುರಣಿಸುತ್ತಿದೆ. ಈ ಸಂದರ್ಭದಲ್ಲಿ ಇಡೀ ಚಿತ್ರ ತಂಡ ಭಾಗಿಯಾಗಿತ್ತು. ವಿದ್ಯಾವಾಹಿನಿ ಶಿಕ್ಷಣ ಸಂಸ್ಥೆಯ ಸಂಸ್ಥಾಪಕ ಕೆ.ಬಿ.ಜಯಣ್ಣ, ಎನ್​.ಬಿ.ಪ್ರದಿಪ್​ ಕುಮಾರ್​, ತುಮಕೂರು ವಿವಿ ಕುಲಸಚಿವೆ ನಾಹಿದಾ ಜಮ್​ ಜಮ್​ ಇದ್ದರು.

ಆಗಸ್ಟ್​ 15ಕ್ಕೆ ತೆರೆಗೆ : ಆಗಸ್ಟ್​ 15ಕ್ಕೆ ಸಿನಿಮಾ ತೆರೆಗೆ ಬರಲಿದೆ. ಶ್ರೀನಿವಾಸ ರಾಜು ಚಿತ್ರ ನಿರ್ದೇಶಿದ್ದು ದೊಡ್ಡ ತಾರಾ ಬಳಗವೇ ಇದೆ. ಮಾಳವಿಕಾ ನಾಯರ್​ ನಾಯಕಿಯಾಗಿ ಗಮನಸೆಳೆದಿದ್ದಾರೆ. ರಂಗಾಯಣ ರು, ಸಾಧುಕೋಕಿಲ , ಶಿನಿವಾಸ್​ಮೂರ್ತಿ, ಶರಣ್ಯಾ ಶೆಟ್ಟಿ ಒಳಗೊಂಡ ಬಹುದೊಡ್ಡ ತಾರಾಗಣ ಒಳಗೊಂಡಿರುವ ಗಣೇಶ್​ ಬಿಗ್​ ಬಜೆಟ್​ ಚಿತ್ರ ಇದಾಗಿದೆ. ಚಿತ್ರದಲ್ಲಿದೆ. ತಿಶ್ರೂಲ್​ ಎಂಟರ್​ಟೇನ್ಮೆಂಟ್​ ಬ್ಯಾನರ್​ ಅಡಿಯಲ್ಲಿ ಚಿತ್ರ ನಿರ್ಮಾಣ ಜವಾಬ್ದಾರಿ ಪ್ರಶಾಂತ್​ ರುದ್ರಪ್ಪ ಅವರದ್ದಾಗಿದೆ.

ಇದೇ ವೇದಿಕೆಯಲ್ಲಿ ಕಾಲೇಜಿನ ವಿದ್ಯಾರ್ಥಿಗಳ ಡೊಳ್ಳುಕುಣಿತ, ವೀರಗಾಸೆ, ಭರತನಾಟ್ಯ ಸೇರಿದಂತೆ 50ಕ್ಕೂ ಹೆಚ್ಚು ಕಾರ್ಯಕ್ರಮಗಳ ರಸದೌತಣವನ್ನು ವಿದ್ಯಾವಾಹಿನಿ ವಿದ್ಯಾರ್ಥಿಗಳು ಉಣಬಡಿಸಿದರು.