ಮುಂಡರಗಿ: ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯತ್ರಾಜ್ ಇಲಾಖೆಯಿಂದ ನೀಡಲಾಗುವ 2022-23ನೇ ಸಾಲಿನ ಗಾಂಧಿ ಗ್ರಾಮ ಪುರಸ್ಕಾರಕ್ಕೆ ತಾಲೂಕಿನ ಬೀಡನಾಳ ಗ್ರಾಮ ಪಂಚಾಯಿತಿ ಆಯ್ಕೆಯಾಗಿದೆ.
ಬೆಂಗಳೂರಿನ ವಿಧಾನಸಭೆಯ ಬಾಂಕ್ವೆಟ್ ಹಾಲ್ನಲ್ಲಿ ಅ.2ರಂದು ಪ್ರಶಸ್ತಿ ಪ್ರದಾನ ಮಾಡಲಾಗುತ್ತದೆ.
ಪಂಚಾಯಿತಿಗೆ ಪುರಸ್ಕಾರ ಒಲಿದಿರುವುದರಿಂದ ಗ್ರಾ.ಪಂ. ಅಧ್ಯಕ್ಷ ಕೊಪ್ಪಣ್ಣ ಕೊಪ್ಪಣ್ಣವರ, ಸದಸ್ಯರು ಹಾಗೂ ಅಧಿಕಾರಿ, ಸಿಬ್ಬಂದಿಯಲ್ಲಿ ಸಂಭ್ರಮ ಮನೆ ಮಾಡಿದೆ.
ನರೇಗಾ ಯೋಜನೆಯ ಅನುಷ್ಠಾನ, ಗ್ರಾಮೀಣ ಜನತೆಗೆ ಅಗತ್ಯ ಮೂಲ ಸೌಕರ್ಯ, ವಸತಿ ಯೋಜನೆ ಅನುಷ್ಠಾನ, ವೈಯಕ್ತಿಕ ಶೌಚಗೃಹ ನಿರ್ಮಾಣ, ನೈರ್ಮಲ್ಯೀಕರಣ, 14ನೇ ಹಣಕಾಸು ಅನುದಾನ ವಿನಿಯೋಗ, ಗ್ರಾ.ಪಂ. ಮಾಸಿಕ ಸಭೆ ಹಾಗೂ ಸಭೆಗಳ ಮಾಹಿತಿಯನ್ನು ತಂತಾಂಶ್ರದಲ್ಲಿದಲ್ಲಿ ಅಳವಡಿಕೆ, ತೆರಿಗೆ ಸಂಗ್ರಹ, ಸಕಾಲ ಸೇವೆ ಅನುಷ್ಠಾನ ಸೇರಿ ಒಟ್ಟು 34 ಅಂಶಗಳ ಸಾಧನೆ ಪರಿಗಣಿಸಿ ಗಾಂಧಿ ಗ್ರಾಮ ಪುರಸ್ಕಾರಕ್ಕೆ ಆಯ್ಕೆ ಮಾಡಲಾಗಿದೆ.
