ಗಣಮೇಳ ಇತಿಹಾಸ ಸೃಷ್ಟಿಸಲಿದೆ: ಮುರುಘಾ ಶರಣರು

ಚಿತ್ರದುರ್ಗ: ಬೆಂಗಳೂರಲ್ಲಿ ಫೆ.೧೬ ರಂದು ನಡೆಯಲಿರುವ ಎರಡನೇ ಅಸಂಖ್ಯ ಪ್ರಮಥರ ಗಣಮೇಳ ಐತಿಹಾಸಿಕ ದಾಖಲೆ ನಿರ್ಮಿಸಲಿದೆ ಎಂದು ಡಾ.ಶಿವಮೂರ್ತಿ ಮುರುಘಾ ಶರಣರು ಹೇಳಿದರು.

ಮೇಳದ ಆಹ್ಚಾನ ಪತ್ರಿಕೆ ಬಿಡುಗಡೆ ಮಾತನಾಡಿದ ಅವರು, ಹನ್ನೆರಡನೇ ಶತಮಾನದಲ್ಲಿ ಬಸವಣ್ಣನವರು ಹಾಗೂ ಅಲ್ಲಮಪ್ರಭುಗಳ ಕಾಲದಲ್ಲಿ ಮೊದಲ ಸಮ್ಮೇಳನ ನಡೆದಿತ್ತು. ಅಂದಾಜು ಐದು ಕೋಟಿ ರೂ.ಮೇಳಕ್ಕೆ ವೆಚ್ಚವಾಗಲಿದೆ. ರಾಜಕೀಯ, ಜಾತಿ ಹೊರತಾದ ಸಿದ್ಧಾಂತ, ‌ತತ್ವ ಆಧಾರಿತವಾದ ಈ ಮೇಳ ನಡೆಯಲಿದೆ ಎಂದರು.

ಪ್ರತಿ ವರ್ಷವೂ ರಾಜ್ಯದ ಒಂದೊಂದು ಸ್ಥಳದಲ್ಲಿ‌ ಮೇಳವನ್ನು ಆಯೋಜಿಸುವ ಸಲಹೆ ಕೇಳಿ ಬಂದಿದೆ ಎಂದು ಶರಣರು ಹೇಳಿದರು.

ಮುಖಂಡರಾದ ಫಾದರ್ ರಾಜು, ತಿಪ್ಪೇಸ್ವಾಮಿ, ಪಟೇಲ್ ಶಿವಕುಮಾರ್, ಪರಮೇಶ್ವರಪ್ಪ, ಮಹಾಲಿಂಗಪ್ಪ, ರಾಜಶೇಖರಪ್ಪ, ಕೆಇಬಿ ಷಣ್ಮುಖಪ್ಪ ಮೊದಲಾದವರು ಇದ್ದರು.