ತಾಪಂ ಮಾಜಿ ಅಧ್ಯಕ್ಷ ವಿದ್ಯಾಧರ ದೊಡ್ಡಮನಿ ಮಾತನಾಡಿ, ನೀರಿನ ಅನುಕೂಲ ಇಂದಾದೀತು, ನಾಳೆಯಾದೀತು ಎಂದು ಕಾಯುವುದೇ ಆಯಿತು. ಒಂದು ತಿಂಗಳಿಗೂ ಹೆಚ್ಚಿನ ಕಾಲ ಕಳೆದರೂ ಸಮಸ್ಯೆಗೆ ಪರಿಹಾರವೇನೂ ಸಿಕ್ಕಿಲ್ಲ. ಪಿಡಿಒ ಅವರನ್ನು ಕೇಳಿದರೆ ಪೈಪ್ಗಳಲ್ಲಿ ತುಂಬಿರುವ ಫ್ಲೊರೈಡ್ ರಾಸಾಯನಿಕ ತೆಗೆಯುವುದೇ ಸವಾಲಿನ ಕೆಲಸ. ನಾವೂ ಪ್ರಯತ್ನಿಸುತ್ತಿದ್ದೇವೆ. ಇನ್ನು ಕೆಲವೇ ದಿನಗಳಲ್ಲಿ ಎಲ್ಲವೂ ಸರಿಯಾಗುತ್ತದೆ ಎಂದು ಹೇಳುತ್ತಲೇ ಬಂದಿದ್ದಾರೆ. ಆದರೆ ತಿಂಗಳುಗಟ್ಟಲೆ ಸಮಯ ಕಳೆದರೂ ಕಾರ್ಯ ಆಗದಿರುವುದು ನಮ್ಮೆಲ್ಲರ ಸಹನೆಯನ್ನು ಕೆಣಕಿದೆ. ಆದ್ದರಿಂದ ಮೇ 20ರೊಳಗೆ ಪಿಡಿಒರವರು ಕುಡಿಯುವ ನೀರಿನ ಸಮಸ್ಯೆಗೆ ಏನಾದರೊಂದು ಪರಿಹಾರ ಕಾಣಿಸಲೇಬೇಕೆಂದು ಒತ್ತಾಯಿಸಿದರು.
