ಮಾನಸಿಕ ಕಿರಿಕಿರಿ: ಪ್ರತಿದಿನ ಬೆಳಗ್ಗೆ ಎದ್ದ ತಕ್ಷಣ ಸೌಂದರ್ಯ ನೋಡಬೇಕಾದ ಕಣ್ಣುಗಳಿಗೆ ಕಸದ ರಾಶಿ ರಾಚುತ್ತಿದ್ದು, ದುರ್ನಾತ ಸೂಸುತ್ತಿದೆ. ಇದರಿಂದಾಗಿ ಸದಾ ತಲೆನೋವು, ವಾಕರಿಕೆ ಮತ್ತು ಉಸಿರಾಟದ ತೊಂದರೆಗಳು ಸ್ಥಳೀಯರನ್ನು ಬಾಧಿಸುತ್ತಿವೆ. ಎಪಿಎಂಸಿ ಜಾಗದ ಪಕ್ಕದಲ್ಲೇ ಹತ್ತಕ್ಕೂ ಹೆಚ್ಚು ಗೂಡಂಗಡಿಗಳು, ಹೋಟೆಲ್ಗಳಿವೆ. ಇಲ್ಲಿ ಎಗ್ರೈಸ್, ಮಿರ್ಚಿ-ಬಜಿ ಸವಿಯಲು ಬೆಳಗ್ಗೆ, ಸಂಜೆ ಜನ ಮುಗಿಬೀಳುತ್ತಾರೆ. ಆದರೆ, ಪಕ್ಕದ ಕಸದ ರಾಶಿಯಿಂದ ಬರುವ ನೊಣಗಳು, ಸೊಳ್ಳೆಗಳು ಈ ಆಹಾರದ ಮೇಲೆ ಕೂಡುತ್ತವೆ. ಎಪಿಎಂಸಿಯಲ್ಲಿನ ದುರ್ನಾತ ಹಾಗೂ ಇಲ್ಲಿನ ಅವ್ಯವಸ್ಥೆ ವಿರುದ್ಧ ಸ್ಥಳೀಯ ನಿವಾಸಿಗಳು ಅಧಿಕಾರಿಗಳು ಹಾಗೂ ಇಲ್ಲಿನ ಅವ್ಯವಸ್ಥೆಗೆ ಹಿಡಿಶಾಪ ಹಾಕುತ್ತಿದ್ದಾರೆ.
