confidence ಮೌನಾನುಷ್ಠಾನದಿಂದ ಆತ್ಮಬಲ ವೃದ್ಧಿ

ಶಿರೋಳ: ಮೌನಾನುಷ್ಠಾನದಿಂದ ಮನಸು ಏಕಾಗ್ರತೆ ಹೊಂದುತ್ತದೆ. (confidence) ಆತ್ಮ ಬಲದೊಂದಿಗೆ ಆತ್ಮ ಕಲ್ಯಾಣ ಶಕ್ತಿ ವೃದ್ಧಿಯಾಗುತ್ತದೆ. ಎಂದು ನವಲಗುಂದ ಗವಿಮಠದ ಬಸವಲಿಂಗ ಸ್ವಾಮೀಜಿಗಳು ಹೇಳಿದರು.

ತಾಲೂಕಿನ ಯಾ.ಸ. ಹಡಗಲಿ ಗ್ರಾಮದ ಶ್ರೀ ಸಾಧು ವೀರಪ್ಪಜ್ಜನ ಮಠದಲ್ಲಿ 21 ದಿನ ಲೋಕಕಲ್ಯಾಣಾರ್ಥ ಕೈಗೊಂಡ 15ನೇ ವರ್ಷದ ಮೌನಲಿಂಗಾನುಷ್ಠಾನ ಮಂಗಲೋತ್ಸವದ ಸಾನ್ನಿಧ್ಯ ವಹಿಸಿ ಮಾತನಾಡಿದರು.

ಮುರನಾಳ, ಯಾವಗಲ್ಲದ ಮೇಘರಾಜೇಂದ್ರ ಸ್ವಾಮೀಜಿ ಮಾತನಾಡಿ, ಸುತ್ತಲಿನ ಗ್ರಾಮಗಳ ಪುರುಷ, ಮಹಿಳೆಯರು ಭಜನೆ ಮಾಡಿ ಭಕ್ತಿಯ ಪರಾಕಾಷ್ಠೆ ಮೆರೆದಿದ್ದಾರೆ ಎಂದರು.

ಗದಗ ಕದಳಿವನಮಠದ ಅಕ್ಕಮಹಾದೇವಿ ತಾಯಿಯವರು ಮಾತನಾಡಿ, ಮೌನಾನುಷ್ಠಾನದಿಂದ ಶಕ್ತಿವೃದ್ಧಿಯಾಗಿ ಸಮಾಜದ ಜನರ ನಡುವೆ ಸ್ವಾಮೀಜಿಗಳು ದೇವರ ಸ್ವರೂಪಿಗಳಾಗಿ ಉತ್ತಮ ಸಮಾಜಕಟ್ಟುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಎಂದರು.

ಚೋಳಚಗುಡ್ಡ ವೇದಾಶ್ರಮದ ಅಮೀನಗಡ ಪಾರ್ವತಿ ಪರಮೇಶ್ವರ ಅಮ್ಮನವರು, ಬಾಪುಗೌಡ ತಿಮ್ಮನಗೌಡ್ರ, ಪ್ರವಚನಕಾರ ಪ್ರಭಾಕರ ಉಳ್ಳಾಗಡ್ಡಿ ಮಾತನಾಡಿದರು. ಗದಗ ವೀರೇಶ್ವರ ಪುಣ್ಯಾಶ್ರಮದ ಕಲ್ಲಯ್ಯ ಅಜ್ಜನವರು ಸಾನ್ನಿಧ್ಯ ವಹಿಸಿದ್ದರು. ನಿಂಗಯ್ಯ ಪೂಜಾರ, ಎಂ.ಆರ್. ವಿಠ್ಟಪ್ಪನವರ, ಸೋಮೇಶ ಚರೇದ, ಜಗದೀಶ ಭೋಪಳಾಪೂರ, ಫಕೀರಗೌಡ ಪೋಲಿಸಪಾಟೀಲ, ಅಶೋಕ ಶಿದ್ದಲಿಂಗಪ್ಪನವರ, ಎಂ.ಬಿ. ಮಲ್ಲಾಡದ, ಯಲಪ್ಪ ಆಲೂರ ಭಾಗವಹಿಸಿದ್ದರು. ಕಲ್ಲಪ್ಪ ಕಂಬಳಿ ಸ್ವಾಗತಿಸಿದರು, ವಿ.ಎಂ. ತೋಟರ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಚನ್ನಬಸಯ್ಯ ಪೂಜಾರ ಕಾರ್ಯಕ್ರಮ ನಿರೂಪಿದರು ಗ್ರಾಮದ ಅಕ್ಕನ ಬಳಗದಿಂದ ಮಾತೋಶ್ರೀ ಅಕ್ಕಮಹಾದೇವಿ ತಾಯಿಯವರಿಗೆ ತುಲಾಭಾರ ಸೇವೆ ಮಾಡಲಾಯಿತು.