ಸಮರ್ಪಕ ಬಸ್ ಸೌಲಭ್ಯಕ್ಕೆ ಆಗ್ರಹಿಸಿ ಪ್ರತಿಭಟನೆ

ರಾಷ್ಟೀಯ ಹೆದ್ದಾರಿಗೆ ಹೊಂದಿಕೊಂಡಿರುವ ಗ್ರಾಮದಲ್ಲಿ ಕೆಲವೇ ಬಸ್‌ಗಳು ನಿಲುಗಡೆಗೊಳ್ಳುತ್ತವೆ. ಗ್ರಾಮದ ಬಹುತೇಕ ವಿದ್ಯಾರ್ಥಿಗಳು ಶಾಲಾ ಕಾಲೇಜಿಗೆ ಪಟ್ಟಣಕ್ಕೆ ಬರುತ್ತಾರೆ. ಬೆಳಗ್ಗೆ ಸಮರ್ಪಕ ಬಸ್ ಸೌಲಭ್ಯ ಇಲ್ಲದ್ದರಿಂದ ಸಮಯಕ್ಕೆ ಸರಿಯಾಗಿ ತರಗತಿಗೆ ಹಾಜರಾಗಲು ಸಾಧ್ಯವಾಗುತ್ತಿಲ್ಲ. ಹಲವಾರು ವರ್ಷಗಳಿಂದ ಈ ಸಮಸ್ಯೆ ಇದೆ. ಹೀಗಾಗಿ ತಕ್ಷಣವೇ ಈ ಅವ್ಯವಸ್ಥೆ ಸರಿಪಡಿಸಬೇಕು ಎಂದು ಘಟಕ ವ್ಯವಸ್ಥಾಪಕ  ರಾಜಶೇಖರ ಧನ್ಯಾಳ ಅವರಿಗೆ ಮನವಿ ಸಲ್ಲಿಸಿದರು.

ಪ್ರತಿಕ್ರಿಯಿಸಿದ ಧನ್ಯಾಳ ಅವರು, ವಾರದೊಳಗೆ ಬಸ್ ಸೌಲಭ್ಯ ಒದಗಿಸಲು ಎಲ್ಲ ಕ್ರಮ ಕೈಗೊಳ್ಳಲಾಗುವುದು ಎಂದು ಭರವಸೆ ನೀಡಿದರು. 

ಎಬಿವಿಪಿ ತಾಲೂಕು ಅಧ್ಯಕ್ಷ ಸಿ.ಪಿ. ನೀಲಗುಂದ, ಜಯಲಕ್ಷ್ಮೀ ಪಾಟೀಲ, ಶಂಕ್ರಮ್ಮ ನರಸಾಪೂರ, ಶಾಹಿನಾ ಅಗಸರ, ಶಶಿಕಲಾ ಸಂಗಟಿ, ಶಾಂತಾ ಕೀಲಿಕೈ, ಮಾಲಾ ನರಸಾಪೂರ, ಪ್ರೇಮಾ ಚಿಕ್ಕನರಗುಂದ, ಅನೀತಾ ನರಸಾಪೂರ, ಪವಿತ್ರಾ ಐನಾಪೂರ, ಸುನಂದಾ ಐನಾಪೂರ, ಶಂಕ್ರಮ್ಮ ಐನಾಪೂರ ಇತರರಿದ್ದರು.