PHC: ಗ್ರಾಮೀಣ ಭಾಗದಲ್ಲಿ ಪಿಎಚ್‌ಸಿ ಸ್ಥಾಪನೆಗೆ ಆದ್ಯತೆ

ಮುಂಡರಗಿ: ಶಿರಹಟ್ಟಿ ಕ್ಷೇತ್ರದ ಗ್ರಾಮೀಣ ಭಾಗದ ಬಹುತೇಕ ಕಡೆಗಳಲ್ಲಿ ಪ್ರಾಥಮಿಕ ಆರೋಗ್ಯ ಕೇಂದ್ರ (PHC) ಇಲ್ಲದೇ ಜನರು ಆರೋಗ್ಯ ಸೇವೆಯಿಂದ ವಂಚಿರಾಗುತ್ತಿದ್ದಾರೆ. ಗ್ರಾಮೀಣ ಭಾಗದಲ್ಲಿ ಹೆಚ್ಚು ಪ್ರಾಥಮಿಕ ಆರೋಗ್ಯ ಕೇಂದ್ರ ಸ್ಥಾಪಿಸುವುದರ ಬಗ್ಗೆ ಆರೋಗ್ಯ ಸಚಿವರ ಗಮನಕ್ಕೆ ತರಲಾಗಿದೆ ಎಂದು ಶಾಸಕ ಡಾ.ಚಂದ್ರು ಲಮಾಣಿ ಹೇಳಿದರು.

ತಾಲೂಕಿನ ಬಿದರಹಳ್ಳಿಯಲ್ಲಿ ಜಿ.ಪಂ., ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಇಂಜಿನಿಯರಿಂಗ್ ಉಪ ವಿಭಾಗ ಧಾರವಾಡ ಸಹಯೋಗದಲ್ಲಿ 61 ಲಕ್ಷ ರೂ.ವೆಚ್ಚದಲ್ಲಿ ಆಯುಷ್ಮಾನ ಆರೋಗ್ಯ ಕೇಂದ್ರ ಕಟ್ಟಡ ನಿರ್ಮಾಣಕ್ಕೆ ಶನಿವಾರ ಭೂಮಿಪೂಜೆ ನೆರವೇರಿಸಿ ಅವರು ಮಾತನಾಡಿದರು. ‘ಆಯುಷ್ಮಾನ್ ಆರೋಗ್ಯ ಕೇಂದ್ರದಲ್ಲಿ ಆರೋಗ್ಯ ಇಲಾಖೆಯ ಪ್ರಾಥಮಿಕ ಆರೋಗ್ಯ ಸುರಕ್ಷಣಾಧಿಕಾರಿಯೊಬ್ಬರು ಕಾಯಂ ಇಲ್ಲಿಯೇ ಇದ್ದು ಜನರ ಆರೋಗ್ಯ ಸೇವೆ ಸಲ್ಲಿಸುವ ವ್ಯವಸ್ಥೆ ಮಾಡಲಾಗುತ್ತಿದೆ. ಬಿದರಹಳ್ಳಿ ಪುನರ್ವಸತಿ ಗ್ರಾಮವಾಗಿದ್ದರಿಂದ ಗ್ರಾಮಕ್ಕೆ ಅನೇಕ ಸೌಲಭ್ಯಗಳ ಅಗತ್ಯವಿದೆ. ಕೆಲವೊಂದು ಸಮಸ್ಯೆ ಸಹ ಇವೆ. ಅವುಗಳನ್ನು ಹಂತ ಹಂತವಾಗಿ ಸರಿಪಡಿಸುವ ಕೆಲಸ ಮಾಡಲಾಗುತ್ತದೆ. ಶ್ರೀ ರೇಣುಕಾಂಬ ದೇವಸ್ಥಾನಕ್ಕೆ ತಡೆಗೋಡೆ ನಿರ್ಮಿಸುವ ಕುರಿತು ಮುಖ್ಯಮಂತ್ರಿಗೆ ಮನವಿ ಮಾಡಲಾಗುತ್ತದೆ ಎಂದರು.

ಬಿಜೆಪಿ ಮುಂಡರಗಿ ಮಂಡಲ ಅಧ್ಯಕ್ಷ ಡಾ.ಕುಮಾರಸ್ವಾಮಿ ಹಿರೇಮಠ ಮಾತನಾಡಿ, ಮಳೆ ಇಲ್ಲದೇ ಬೆಳೆ ಒಣಗಿದ್ದು ರೈತರು ಸಂಕಷ್ಟದಲ್ಲಿದ್ದಾರೆ. ಸರ್ಕಾರ ರೈತರ ಬಗ್ಗೆ ಚಿಂತನೆ ಮಾಡದೇ ಬರೀ ಸಚಿವ ಸ್ಥಾನದ ಕುರಿತು ಓಡಾಟ ನಡೆಸಿದೆ ಎಂದರು.

ಶ್ರೀಕಾಂತಗೌಡ ಪಾಟೀಲ, ಸುನಿತಾ ಹಾರೋಗೇರಿ, ಮಲ್ಲಿಕಾರ್ಜುನ ಹಣಜಿ, ರವೀಂದ್ರಗೌಡ ಪಾಟೀಲ, ಎಂ.ಎಂ. ಜೋಶಿ, ಸುನೀಲ ಮಹಾಪುರುಷ, ಪ್ರಶಾಂತ ಗುಡದಪ್ಪನವರ, ಬಸವರಾಜ ಬಿಳಿಮಗ್ಗದ, ಡಾ.ಸಂತೋಷಗೌಡ ಪಾಟೀಲ, ಸತ್ಯಪ್ಪ ಕೊರಗೋಡಿ, ಪರಸಪ್ಪ ಮೂಲಿಮನಿ, ಮಹಾಂತಯ್ಯ ಹೊಸಮಠ, ದೇವು ಹಡಪದ, ಮೈಲಾರಪ್ಪ ಕಲಕೇರಿ, ಶಂಕರ ಉಳ್ಳಾಗಡ್ಡಿ, ರಾಜಣ್ಣ ಹಾವೇರಿ, ಲಿಂಗರಾಜ ಬಸ್ಸೇಗೌಡ್ರ, ಗೋಣೆಪ್ಪ ಚವಡಾಳ, ಗುಡದಪ್ಪ ಕಿಲಾರಿ, ನೀಲಪ್ಪ ನಂದಗಾವಿ, ಪವಿತ್ರಾ ಕಲ್ಲಕುಟಗರ, ಜ್ಯೋತಿ ಹಾನಗಲ್, ಅರುಣಾ ಪಾಟೀಲ, ನಾಗರಾಜ ಬಾಳಿಕಾಯಿ, ನಾಗರಾಜ ಹಾರೋಗೇರಿ, ಕುಮಾರಗೌಡ, ನಾಗರಾಜ ಮತ್ತೂರ, ರವಿ ಪಾಟೀಲ, ರವಿ ಲಮಾಣಿ, ಸಿದ್ದಣ್ಣ ದೊಡ್ಡೂರ ಇತರರು ಇದ್ದರು.