monkey death: ನಿನ್ನೆ ತಾಯಿ, ಇಂದು ಮರಿ ಕೋತಿ ಮೃತ್ಯು

ಮೃತಪಟ್ಟ ಕೋತಿ ಅರಿಷಿಣಗೋಡಿ ಗ್ರಾಮದಲ್ಲಿ ಕಳೆದ ಕೆಲವು ದಿನಗಳಿಂದ ಬೀಡು ಬಿಟ್ಟಿತ್ತು. ಶನಿವಾರ ಆಹಾರಕ್ಕಾಗಿ ಅಲೆಯುತ್ತಿದ್ದಾಗ ವಿದ್ಯುತ್ ಸ್ಪರ್ಶಿಸಿ ತೀವ್ರವಾಗಿ ಗಾಯಗೊಂಡಿತ್ತು. ಚಿಕ್ಕನರಗುಂದದ ಶಂಕರಗೌಡ ಪಾಟೀಲ, ಪಶು ವೈದ್ಯ ಶಿವಾನಂದ ಬಾಚಿ ಅವರು ಮೂರು ದಿನಗಳ ಕಾಲ ಚಿಕಿತ್ಸೆ ನೀಡಿದ್ದರು. ಆದರೆ, ಗಾಯಾಳು ಕೋತಿ ಚಿಕಿತ್ಸೆಗೆ ಸ್ಪಂದಿಸದೆ ಸೋಮವಾರ ಕೊನೆಯುಸಿರೆಳೆದಿತ್ತು. ತಾಯಿಯನ್ನು ಕಳೆದುಕೊಂಡು ಶೋಕತಪ್ತವಾದ ಮರಿ ಕೋತಿ ಯಾವುದೇ ಆಹಾರ ಸೇವಿಸದೆ ನಿತ್ರಾಣಗೊಂಡು ಮಂಗಳವಾರ ತಾಯಿಯನ್ನು ಹಿಂಬಾಲಿಸಿತು.