Foolishness ನೆಮ್ಮದಿ ಜೀವನಕ್ಕೆ ಮೌಢ್ಯಾಚರಣೆ ಕೈಬಿಡಲಿ

ಪಟ್ಟಣದ ಶ್ರೀ ಸಿದ್ಧೇಶ್ವರ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜ್, ಸ್ನಾತಕೋತ್ತರ ಅಧ್ಯಯನ ಕೇಂದ್ರದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ 2025-26ನೇ ಸಾಲಿನ ಒಕ್ಕೂಟ, ಎನ್ನೆಸ್ಸೆಸ್, ಎನ್‌ಸಿಸಿ, ರೋವರ್ ಆ್ಯಂಡ್ ರೇಂಜರ್ಸ್‌, ವಿವಿಧ ಕ್ರೀಡಾ ಚಟುವಟಿಕೆಗಳ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು. ಸಮಾಜದ ಪ್ರತಿಯೊಬ್ಬರಿಗೂ ಜ್ಞಾನದ ಹಸಿವಿದೆ. ಆದರೆ, ಯುವಕರು ಎಂದಿಗೂ ರಾಜಕೀಯದ ಬೆನ್ನು ಹತ್ತಿ ಜೀವನ ಹಾಳು ಮಾಡಿಕೊಳ್ಳಬಾರದು. ತಂದೆ-ತಾಯಿ, ಶಿಕ್ಷಕರಿಗೆ ಒಳ್ಳೆಯ ಮಕ್ಕಳಾಗಿ ಧರ್ಮದ ಹಾದಿಯಲ್ಲಿ ಸಂಸ್ಕಾರಯುತ ಶಿಕ್ಷಣದಿಂದ ಇಡೀ ದೇಶ ಹೆಮ್ಮೆ ಪಡುವಂತೆ ಬೆಳೆಯಬೇಕು. ಜ್ಞಾನಕ್ಕಿಂತ ಮಿಗಿಲಾದ ವಸ್ತು ಜಗತ್ತಿನಲ್ಲಿ ಯಾವುದೂ ಇಲ್ಲ. ಆದರೆ, ಯಾವುದೇ ಊರುಗಳಲ್ಲಿ ಅತ್ಯುತ್ತಮ ಸಂಸ್ಕಾರ ಹೊಂದಿರಬೇಕಾದರೆ ಆ ಊರಿನಲ್ಲಿ ದೇವಸ್ಥಾನ, ದ್ವಾರಬಾಗಿಲು ಹಾಗೂ ಅಲ್ಲಿನ ಶಿಕ್ಷಣದ ಮೂಲಸೌಕರ್ಯಗಳು ಚೆನ್ನಾಗಿರಬೇಕು ಎಂದರು.

ನಿವೃತ್ತ ಉಪನ್ಯಾಸಕ ಎಂ.ಎಸ್. ಯಾವಗಲ್ಲ ಮಾತನಾಡಿ, ಜನಪದ ವಿದ್ವಾಂಸರನ್ನು ಅನಕ್ಷರತೆಯಿಂದ ಅಳೆಯದೆ ಅವರಲ್ಲಿರುವ ಅನುಭವ, ಜ್ಞಾನ ಭಂಡಾರದ ಆಧಾರದಡಿ ಗೌರವಿಸಬೇಕು. ಸಮಾಜದಲ್ಲಿ ಪ್ರತಿನಿತ್ಯ ದೇವರು, ಜಾತಿ-ಧರ್ಮ, ಧಾರ್ಮಿಕ ಗ್ರಂಥಗಳ ಹೆಸರಿನಲ್ಲಿ ನಿರಂತರ ಶೋಷಣೆ, ಕೋಮು ಗಲಭೆ ಉಂಟಾಗುತ್ತಿವೆ. ಇವುಗಳನ್ನು ಜನಪದ ಕವಿ ಸಿದ್ದಪ್ಪ ಬಿದರಿಯವರು ತಮ್ಮಲ್ಲಿರುವ ಅನುಭವ ಸಾಹಿತ್ಯದಿಂದ ಸಮಾಜದ ಅಂಡು-ಡೊಂಕುಗಳನ್ನು ಎತ್ತಿ ತೋರಿಸುತ್ತಿದ್ದಾರೆ ಎಂದು ಬಣ್ಣಿಸಿದರು.

ಕಾಲೇಜ್ ಪ್ರಾಚಾರ್ಯ ಡಾ.ಆನಂದಕುಮಾರ ಲಾಲಸಂಗಿ, ನಿವೃತ್ತ ಪ್ರಾಚಾರ್ಯ ಸಿ.ಎಸ್. ಸಾಲೂಟಗಿಮಠ ಮಾತನಾಡಿದರು.

ಗಣರಾಜ್ಯೋತ್ಸವದ ಆರ್‌ಡಿಸಿ ಪಥಸಂಚಲನಕ್ಕೆ ಆಯ್ಕೆಗೊಂಡ ಎನ್‌ಸಿಸಿ ವಿದ್ಯಾರ್ಥಿಗಳಾದ ಯಲ್ಲಮ್ಮ ಜಾಧವ, ಅಕ್ಷತಾ ಹುಚ್ಚಪ್ಪಯ್ಯನಮಠ, ಕಬಡ್ಡಿ ಸ್ಪರ್ಧೆಯಲ್ಲಿ ಧಾರವಾಡದ ಕವಿವಿ ಬ್ಲೂ ಆಗಿ ಹೊರಹೊಮ್ಮಿದ ನಿರ್ಮಲಾ ಪರಮೇಶ್ವರ, ರಾಜೇಶ್ವರಿ ಅಂಕಲಿ, ಭವಾನಿ ಮಣಕವಾಡ, ಖೋಖೋ ಸ್ಪರ್ಧೆಯಲ್ಲಿ ಸಾಧನೆಗೈದ ಸಂಜಯ ಜಂಗಿನ್, ಡಾಕ್ಟರೇಟ್ ಪ್ರಶಸ್ತಿ ಪುರಸ್ಕೃತ ದಿವ್ಯಾನಂದ ಜಿ.ಆರ್., ಎನ್ನೆಸ್ಸೆಸ್ಸ್‌ನಲ್ಲಿ ಅತ್ಯುತ್ತಮ ಸೇವೆಗೈದ ಎಂ.ಎಂ. ವಡೇಕಾರ ಹಾಗೂ ವಿವಿಧ ಕ್ಷೇತ್ರದಲ್ಲಿ ಸಾಧನೆಗೈದ ವಿದ್ಯಾರ್ಥಿಗಳನ್ನು ಸತ್ಕರಿಸಲಾಯಿತು. ಜಿ.ಟಿ. ಗುಡಿಸಾಗರ, ಶ್ರೀಶೈಲಪ್ಪ ಬ್ಯಾಹಟ್ಟಿ, ಪ್ರೊ. ಜಗದೀಶ ತಳವಾರ, ಪ್ರೊ. ಚಿತ್ತಯ್ಯ, ಶಂಕರ ಲಮಾಣಿ, ಪ್ರೊ. ಭೀಮನಗೌಡ ಕೊಣ್ಣೂರ, ಯಶೋಧಾ ಅಂಗಡಿ, ಡಾ.ರಾಮು ಎಂ.ಎಸ್., ಡಾ.ಪವಿತ್ರಾ ಎಸ್., ಡಾ.ಸಿದ್ದಲಿಂಗಪ್ಪ, ಡಾ.ದುಂಡಪ್ಪ ದೊಡಮನಿ, ಎ.ಎಸ್. ಸೊಪ್ಪಿಮಠ ಇತರರು ಉಪಸ್ಥಿತರಿದ್ದರು. ಪ್ರೊ. ಆರ್.ಎಚ್. ತಿಗಡಿ, ರಮೇಶ ಗಂಗೂರ, ಎಸ್.ವಿ. ಮನಗುಂಡಿ, ಪ್ರೊ. ಗಂಗಾಧರಯ್ಯ ಕಾರ್ಯಕ್ರಮ ನಿರ್ವಹಿಸಿದರು.