ಲಕ್ಷ್ಮೇಶ್ವರದಲ್ಲಿ ಸುಗ್ಗಿ ಹಬ್ಬ ಸಂಭ್ರಮ suggi

ಪಟ್ಟಣದಲ್ಲಿ ಶ್ರೀ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಅಭಿಮಾನಿ ಬಳಗದಿಂದ ರಾಜ್ಯ ಮಟ್ಟದ ಖಾಲಿ ಗಾಡಾ ಓಡಿಸುವ ಸ್ಪರ್ಧೆಯ ಸಾನ್ನಿಧ್ಯ ವಹಿಸಿ ಅವರು ಮಾತನಾಡಿದರು. 

ಗೆಲುವಿಗಾಗಿ ಮೂಕ ಪ್ರಾಣಿಗಳನ್ನು ಹಿಂಸಿಸಬಾರದು. ಅವುಗಳ ಶಕ್ತಿಗೆ ಅನುಗುಣವಾಗಿ ಓಡಲು ಬಿಡಬೇಕು. ಬೇಕಿದ್ದರೆ ಸ್ಪರ್ಧೆಗೆ ಮುನ್ನ ತರಬತಿ ಕೊಡಬೇಕು. ಜನಪದ ಕಲೆ ಹಾಗೂ ಸ್ಪರ್ಧೆಗಳ ಆಯೋಜನೆ ಬೇಕು. ಆದರೆ, ಸ್ಪರ್ಧೆಗಳು ಇತರರಿಗೂ ಮಾದರಿಯಾಗಿರುವಂತಿರಬೇಕು. ಸಂಗೋಳ್ಳಿ ರಾಯಣ್ಣ ವೇದಿಕೆಯಿಂದ ರಾಜ್ಯಮಟ್ಟದ ಸ್ಪರ್ಧೆಗಳನ್ನು ಸಂಘಟಿಸಿರುವುದು ಉತ್ತಮ ಸಂಸ್ಕೃತಿಯಾಗಿದೆ ಎಂದರು.

ಯುವ ಮುಖಂಡ ಆನಂದ ಗಡ್ಡದೇವರಮಠ ಮಾತನಾಡಿ, ಗ್ರಾಮೀಣ ಪ್ರದೇಶಗಳಲ್ಲಿ ಹೋರಿ ಓಡಿಸುವುದು, ಟಗರಿನ ಕಾಳಗ, ಖಾಲಿ ಗಾಡಾ ಓಡಿಸುವುದು ಇತ್ಯಾದಿ ಸ್ಪರ್ಧೆಗಳನ್ನು ಸಂಘಟಿಸುವ ಮೂಲಕ ಗ್ರಾಮೀಣ ಕ್ರೀಡೆಗಳನ್ನು ಉಳಿಸಿ ಬೆಳೆಸುವ ಕಾರ್ಯವಾಗಬೇಕಿದೆ ಎಂದರು.

ವಿನೋದ ಅಸೂಟಿ, ಗುರುನಾಥ ದಾನಪ್ಪನವರ, ಮುಲಾಲಿ ಮುಲ್ಲಾ, ಶಬ್ಬೀರಲಿ ಶೇಖ್, ಸಮೇದ ಗೋಗಿ, ನೀಲಪ್ಪ ಹುರಕನವರ, ಲೆಂಕಪ್ಪ ಶರಸೂರಿ, ಬಸವರಾಜ ಹಿರೇಮನಿ, ಸುರೇಶ ಹಟ್ಟಿ, ಭರಮಣ್ಣ ಶರಸೂರಿ, ಮಂಜುನಾಥ ಮುಳಗುಂದ, ಮಹಾಂತೇಶ ಗುದನಾಳ, ಮೈಲಾರಿ ಹೆಗ್ಗಣ್ಣವರ, ಮಹಾಂತೇಶ ಶರಸೂರಿ, ಸಂಘದ ಪದಾಧಿಕಾರಿಗಳು, ಸದಸ್ಯರು ಇದ್ದರು.

ವಿಜೇತ ತಂಡಗಳಿಗೆ ನಗದು ಬಹುಮಾನ, ಆಕರ್ಷಕ ಟ್ರೋಫಿ ವಿತರಿಸಲಾಯಿತು. ಬೆಳಗಾವಿ, ಮಹಾರಾಷ್ಟ್ರ, ಬಾಗಲಕೋಟೆ, ಜಮಖಂಡಿ, ಹಾವೇರಿ, ಹರಿಹರ, ಮತ್ತು ಸುತ್ತಮುತ್ತಲಿನ ಗಾಡಾ ಹೋರಿಗಳು ಭಾಗವಹಿಸಿದ್ದವು. ಪ್ರಥಮ ಬಹುಮಾನ 1 ಲಕ್ಷ ನಗದು ಮತ್ತು ಪ್ರಶಸ್ತಿಯನ್ನು ಬೈಲೂರಿನ ಸಿದ್ದಿನಾಥ ಪ್ರಸನ್ನ ಮತ್ತು ಬೆಳವಟ್ಟಿಯ ಲಕ್ಷ್ಮೀದೇವಿ ಪ್ರಸನ್ ಹಂಚಿಕೊಂಡರು. ದ್ವಿತೀಯ ಬಹುಮಾನ ಕರಡಿಗುಡ್ಡದ ಮಹಾಲಕ್ಷ್ಮೀ ಪ್ರಸನ್ನ, ತೃತೀಯ ಬಹುಮಾನ ಆರ್.ಕೆ. ಬುಲೆಟ್ ಮತ್ತು ಮುರಕವಾಡ ರಾಮಯ್ಯ ಹಂಚಿಕೊಂಡವು.

ಶ್ರೀ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಅಭಿಮಾನಿ ಬಳಗದವರು ಕಾರ್ಯಕ್ರಮವನ್ನು ಅಚ್ಚುಕಟ್ಟಾಗಿ ಸಂಘಟಿಸಿದ್ದರು.