ಪಕ್ಕದ ತಾಲೂಕಿನ ಮೇಲೆ ಅವಲಂಬನೆ: ರೋಣ ಮತಕ್ಷೇತ್ರದ ವ್ಯಾಪ್ತಿ ವಿಸ್ತಾರವಾಗಿದ್ದು, ರೋಣ ಹಾಗೂ ಗಜೇಂದ್ರಗಡ ಪಟ್ಟಣಗಳು ಶರವೇಗದಲ್ಲಿ ಬೆಳೆಯುತ್ತಿವೆ. ಅಷ್ಟೇ ವೇಗವಾಗಿ ವೈದ್ಯಕೀಯ ಸೇವೆ ಸಿಗಬೇಕಿತ್ತು. ಆದರೆ, ಅದು ಸಿಗುತ್ತಿಲ್ಲ. ಬಾಣಂತಿಯರು ಸಿಜೇರಿಯನ್ ಮೂಲಕ ಡಿಲೇವರಿ ಮಾಡಿಸಿಕೊಳ್ಳಬೇಕೆಂದರೆ ಪಕ್ಕದ ಕುಷ್ಟಗಿ, ಯಲಬುರ್ಗಾ ಇಲ್ಲವೇ ಗದಗ ಜಿಲ್ಲಾಸ್ಪತ್ರೆಗೆ ತೆರಳಬೇಕು. ಗಜೇಂದ್ರಗಡ ಹಾಗೂ ರೋಣ ತಾಲೂಕಿನ ಬಾಣಂತಿಯರು ಚಿಕಿತ್ಸೆಗೆ ಕುಷ್ಟಗಿಗೆ ತೆರಳಿದರೆ, ಅಲ್ಲಿಂದ ಏಕೆ ಇಲ್ಲಿಗೆ ಬರುತ್ತಿರಿ. ನಿಮ್ಮಲ್ಲಿ ಸೌಲಭ್ಯ ಇಲ್ಲವೇ ಎಂಬ ಚುಚ್ಚು ಮಾತು ವೈದ್ಯಕೀಯ ಸಿಬ್ಬಂದಿಯಿಂದ ಕೇಳಿಬರುತ್ತಿವೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.
