ಗಾಳಕ್ಕೆ ಸಿಗದ ಮೀನು!: fish farminig

ಮಳೆ ಕೊರತೆಯಿಂದ ಬೆಳೆದ ಬೆಳೆ ಬಾಡುವ ಹಂತ ತಲುಪಿ ರೈತರು ಸಾಕಷ್ಟು ತೊಂದರೆ ಅನುಭವಿಸುವಂತಾಗಿದೆ. ಇನ್ನೂ ಮಳೆ ಇಲ್ಲದೆ ತುಂಗಭದ್ರಾ ನದಿಯಲ್ಲಿ ಹರಿವು ಇಳಿಕೆ ಕಂಡಿದ್ದು, ಇದರಿಂದ ಮೀನುಗಾರಿಕೆ ಮೇಲೆ ಪರಿಣಾಮ ಬೀರುತ್ತಿದೆ.

ತುಂಗಭದ್ರಾ ನದಿ ದಡ ಭಾಗದ ತಾಲೂಕಿನ ವಿವಿಧ ಗ್ರಾಮಗಳಲ್ಲಿ ಮೀನುಗಾರರ ಕುಟುಂಬ ವಾಸವಿದ್ದು, ಮೀನುಗಾರಿಕೆಯೇ ಅವರ ಪ್ರಮುಖ ಉದ್ಯೋಗವಾಗಿದೆ. ಮಳೆ ಕೊರತೆಯಿಂದ ನದಿ ನೀರಿನ ಹರಿವು ಕಡಿಮೆಯಾಗಿದೆ. ಕಳೆದೊಂದು ವಾರದಿಂದ ಮಲೆನಾಡಿನ ವಿವಿಧ ಭಾಗದಲ್ಲಿ ಮಳೆ ಸುರಿಯುತ್ತಿರುವುದರಿಂದ ತಕ್ಕ ಮಟ್ಟಿಗೆ ನದಿಗೆ ನೀರು ಹರಿದು ಬರುತ್ತಿದೆ. ಸದ್ಯ ಹರಿಯುತ್ತಿರುವ ನೀರು ನದಿ ಮಧ್ಯೆ ಭಾಗದಲ್ಲಿ ಹರಿದು ಹೋಗುವುದರಿಂದ ದಡದಲ್ಲಿ ಹೆಚ್ಚಾಗಿ ನೀರು ನಿಲ್ಲುವುದಿಲ್ಲ. ಹರಿಯುವ ನದಿ ಮಧ್ಯೆ ಭಾಗಕ್ಕೆ ಬಲೆ ಹಾಕುವುದಕ್ಕೂ ಬರುವುದಿಲ್ಲ. ದಡದಲ್ಲಿ ಹೆಚ್ಚು ಪ್ರಮಾಣ ನಿಲ್ಲದಿರುವುದರಿಂದ ಮೀನುಗಾರಿಕೆ ಮಾಡುವುದಕ್ಕೆ ತೊಂದರೆಯಾಗುತ್ತಿದೆ. ದೊಡ್ಡ ಪ್ರಮಾಣದಲ್ಲಿ ನೀರು ಹರಿದು ಬಂದರೆ ಅಥವಾ ನೀರು ಹರಿಯದೇ ನಿಂತರೆ ಮಾತ್ರ ಮೀನುಗಾರರು ನದಿಯಲ್ಲಿ ಒಂದು ತೆಪ್ಪದಲ್ಲಿ ಇಬ್ಬರು ಮೀನುಗಾರರು ಸಂಚರಿಸಿ ವಿವಿಧ ತಳಿಯ ಮೀನುಗಳನ್ನು ಹಿಡಿಯುತ್ತಾರೆ. ಅದನ್ನು ಮಾರಾಟ ಮಾಡಿ ಬರುವ ಆದಾಯದಲ್ಲಿ ಅವರ ಕುಟುಂಬ ನಿರ್ವಹಣೆ ಮಾಡುತ್ತಾರೆ.

ಆದರೆ, ಸುಮಾರು ಎರಡು ತಿಂಗಳಿಂದ ನದಿಯಲ್ಲಿ ಮೀನುಗಾರಿಕೆ ಮಾಡುವುದಕ್ಕೆ ಅವಕಾಶ ಆಗದೇ ಮೀನುಗಾರರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ದುಡಿಮೆ ಇಲ್ಲದೇ ಅವರ ಕುಟುಂಬ ನಿರ್ವಹಣೆ ಸಹ ಕಷ್ಟಕರವಾಗಿದೆ. ಜುಲೈ ಕೊನೆವಾರ, ಆಗಸ್ಟ್ ಮೊದಲ ವಾರದಲ್ಲಿ ನದಿಗೆ ಅಪಾರ ಪ್ರಮಾಣ ನೀರು ಹರಿದು ಬರುತ್ತಿತ್ತು. ಆದರೆ, ಈಗ ಹರಿವು ತೀರ ಕಡಿಮೆಯಾಗಿದ್ದರಿಂದ ಮೀನುಗಾರರು ನದಿಗೆ ತೆಪ್ಪಗಳನ್ನು ಇಳಿಸದಂತಾಗಿದೆ. ಕೆಲವೊಬ್ಬರು ಮೀನುಗಾರಿಕೆಗೆ ನದಿಗೆ ತೆರಳಿದರೂ ಸರಿಯಾಗಿ ಮೀನುಗಳು ಸಿಗದಂತಾಗಿದೆ.

"

"