ಬೆಳೆ ಉಳಿಸಿಕೊಳ್ಳಲು ಹರಸಾಹಸ: ಮುಂಗಾರಿನ ಪ್ರಮುಖ ಬೆಳೆಗಳಾದ ಹೆಸರು, ಗೋವಿನಜೋಳ, ಶೇಂಗಾ, ಉಳ್ಳಾಗಡ್ಡಿ ಇತರ ಬೆಳೆಗಳು ತೇವಾಂಶದ ಕೊರತೆಯಿಂದ ನಲುಗುತ್ತಿವೆ. ಮಳೆರಾಯನ ಕೃಪೆಗಾಗಿ ರೈತರು ಸಾಂಪ್ರದಾಯಿಕ ಕಪ್ಪೆ ಮದುವೆ, ಹೊಂಡದ ಪೂಜೆ, ಗುರ್ಜಿಪೂಜೆ, ಜಲಾಭಿಷೇಕ, ಪರವು, ವೃತಾಚರಣೆ, ಪ್ರಸಾದ ಸೇವೆ ಮಾಡುತ್ತಿದ್ದಾರೆ. ನೀರಾವರಿ ಸೌಲಭ್ಯ ಹೊಂದಿರುವ ಕೆಲವೇ ರೈತರು ಬೋರ್ವೆಲ್ ನೀರಿನತ್ತ ಚಿತ್ತ ಹರಿಸಿದ್ದರೆ ಮಳೆಯನ್ನೇ ನಂಬಿರುವ ಬಹುತೇಕ ರೈತರು ಮುಗಿಲಿನತ್ತ ಚಿತ್ತ ಹರಿಸಿ ಚಾತಕ ಪಕ್ಷಿಯಂತೆ ಮಳೆಗಾಗಿ ಕಾಯುತ್ತಿದ್ದಾರೆ. ನಿತ್ಯ ಗೂಗಲ್ ಕೃಷಿಯನ್ನೇ ಬದುಕಾಗಿಸಿಕೊಂಡ ರೈತರು ಮಳೆ ಬರುತ್ತದೆ ಎಂಬ ಆಶಾಭಾವನೆಯೊಂದಿಗೆ ಕಣ್ಣ ಮುಂದೆಯೇ ಒಣಗುತ್ತಿರುವ ಬೆಳೆ ಉಳಿಸಿಕೊಳ್ಳಲು ಹರಸಾಹಸ ಮಾಡುತ್ತಿದ್ದಾರೆ.
