rail line ಕುಷ್ಟಗಿ-ಘಟಪ್ರಭಾ ರೈಲು ಮಾರ್ಗಕ್ಕೆ ಮನವಿ

ನರಗುಂದ: ಬಹುದಿನಗಳಿಂದ ಬೇಡಿಕೆಯಲ್ಲಿರುವ ಕುಷ್ಟಗಿ-ಘಟಪ್ರಭಾ ರೈಲು ಮಾರ್ಗ rail line ರಚನೆಗಾಗಿ ಬಾಗಲಕೋಟೆ ಸಂಸದ ಪಿ.ಸಿ. ಗದ್ದಿಗೌಡ್ರ ಅವರು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅವರನ್ನು ಭೇಟಿಯಾಗಿ ಚರ್ಚೆ ನಡೆಸಿದರು.

ರೈಲ್ವೆ ಮಾರ್ಗ ರಚನೆಗೆ ಒತ್ತಾಯಿಸಿ ಈಗಾಗಲೇ ಜಂಟಿ ಹೋರಾಟ ಸಮಿತಿಯಿಂದ ಹುಬ್ಬಳ್ಳಿ ನೈಋತ್ಯ ರೈಲ್ವೆ ವಲಯದ ಜನರಲ್ ಮ್ಯಾನೇಜರ್‌ಗೆ ಮನವಿ ನೀಡಲಾಗಿದೆ. ತಾಂತ್ರಿಕ ಸಮೀಕ್ಷೆಯನ್ನು ನಡೆಸಲು ಮನವಿಯಲ್ಲಿ ಕೋರಲಾಗಿದೆ.

ರೈಲು ಮಾರ್ಗವು ಕುಷ್ಟಗಿ, ಗಜೇಂದ್ರಗಡ, ರೋಣ, ನರಗುಂದ, ಸವದತ್ತಿ, ಯರಗಟ್ಟಿ, ಮುನವಳ್ಳಿ, ಗೋಕಾಕ, ಘಟಪ್ರಭಾ ಮುಖಾಂತರ ಸಂಚರಿಸಲು ಅತೀ ಪ್ರಾಮುಖ್ಯವಾಗಿದೆ ಎಂದರು.

ಕುಷ್ಟಗಿ ಮುಂಬರುವ ದಿನಗಳಲ್ಲಿ ಮಹಾರಾಷ್ಟ್ರ, ತೆಲಂಗಾಣ ಸಂಪರ್ಕಿಸುವ ಮಹತ್ವದ ಜಂಕ್ಷನ್ ಆಗುವ ಸಾಧ್ಯತೆ ಇದೆ. ಈ ವ್ಯಾಪ್ತಿಯಲ್ಲಿ ಸಾಗುವ ರೈಲ್ವೆ ಎಲ್ಲ ಪ್ರದೇಶದ ವ್ಯಾಪಾರ, ವಹಿವಾಟು, ಕೃಷಿ, ಕೈಗಾರಿಕೆ ಮತ್ತು ಚಲನೆಶೀಲತೆಗೆ ಪ್ರಾಮುಖ್ಯ ನೀಡುವುದಾಗಿದೆ.

ಇದರ ಜತೆಗೆ ಐತಿಹಾಸಿಕ ಸವದತ್ತಿ ತಾಲೂಕಿನ ಯಲ್ಲಮ್ಮನ ಗುಡ್ಡಕ್ಕೆ ಅನೇಕ ಭಕ್ತಾದಿಗಳು ವರ್ಷವಿಡಿ ದೇವಿ ದರ್ಶನಕ್ಕೆ ಆಗಮಿಸುತ್ತಾರೆ ಎಂದು ಮನವರಿಕೆ ಮಾಡಿದರು.

ನೂತನ ರೈಲು ಮಾರ್ಗಕ್ಕಾಗಿ ತಕ್ಷಣ ಅನುಮೋದನೆ, ಮುಂಬರುವ ರೈಲ್ವೆ ಕಾಮಗಾರಿ ಯೋಜನೆ ಮಂಜೂರು ಮಾಡುವುದು ಇಂತಹ ಜನಾಭಿಪ್ರಾಯದ ಮನವಿಗೆ ಸಕಾರಾತ್ಮಕ ಪರಿಗಣನೆ ಪಡೆಯುವ ಮಹತ್ವದ ಸಮೀಕ್ಷೆ ಆಗಿದ್ದರಿಂದ ಈ ಯೋಜನೆ ಮಹತ್ವ ಪಡೆದುಕೊಂಡಿದೆ ಎಂದು ಗದ್ದಿಗೌಡ್ರ ಸಚಿವರಲ್ಲಿ ವಿನಂತಿಸಿದರು.