Alcohol ರೋಣ ಬಡಾವಣೆಯಲ್ಲಿ ಮದ್ಯದ ಅಮಲು

ಪಟ್ಟಣದ ಹೊರವಲಯದಲ್ಲಿರುವ ಲೇಔಟ್‌ಗಳು (alcohol) ಮದ್ಯಪ್ರಿಯರ ತಾಣಗಳಾಗಿವೆ. ಖಾಲಿ ಬಿದ್ದಿರುವ ಲೇಔಟ್‌ಗಳಲ್ಲಿ ಕಾಲಿಟ್ಟರೆ ಮದ್ಯದ ಘಮಲು ಮೂಗಿಗೆ ಬಡಿದು ಕುಡಿಯದಿದ್ದರೂ ನಶೆ ಏರುತ್ತದೆ.

ಬಾರ್‌ನಲ್ಲಿ ಕುಳಿತು ಕುಡಿದರೆ ಬಿಲ್ ಜಾಸ್ತಿ ಆಗುತ್ತದೆ ಎಂಬುದು ಒಂದು ಕಾರಣವಾದರೆ, ಲೇ ಔಟ್‌ಗಳಲ್ಲಿಯಾದರೆ ಹಾಯಾಗಿ ಗಾಳಿಯಲ್ಲಿ ಗೆಳೆಯರೊಂದಿಗೆ ಕುರಿತು ಹರಟೆಯ ಜೊತೆಗೆ ಮದ್ಯ ಸೇವನೆ ಮಾಡಬಹುದು ಎಂಬುದು ಮತ್ತೊಂದು ಕಾರಣವಾಗಿದೆ.

ಲೇಔಟ್‌ಗಳಲ್ಲಿ ಮದ್ಯ ಸೇವಿಸಲು ಬರುವವರ ಸಂಖ್ಯೆ ಅಧಿಕವಾಗುತ್ತಿದ್ದಂತೆ ಕೆಲವರು ಅಕ್ರಮವಾಗಿ ಮದ್ಯವನ್ನು ಸಹ ಅಲ್ಲಿಯೇ ತಂದುಕೊಡುತ್ತಿದ್ದಾರೆ. ಅದರ ಜತೆಗೆ ಸ್ಕ್ಯಾಕ್ಸ್, ಸಾಫ್ಟ್ ಡ್ರಿಂಕ್ಸ್, ಊಟ, ಪಾನ್ ಮಸಾಲಾಗಳನ್ನು ಅಲ್ಲಿಯೇ ಮಾರಾಟ ಮಾಡುತ್ತಿದ್ದು, ಮದ್ಯ ಪ್ರಿಯರಿಗೆ ಇನ್ನಷ್ಟು ಅನುಕೂಲ ಮಾಡಿಕೊಟ್ಟಂತಾಗಿದೆ.

ಪೊಲೀಸರು, ಕಂದಾಯ, ಪುರಸಭೆ ಅಧಿಕಾರಿಗಳು ಇದೇ ಮಾರ್ಗವಾಗಿ ನಿತ್ಯ ಓಡಾಡುತ್ತಿದ್ದರೂ ಮದ್ಯವ್ಯಸನಿಗಳ ವಿರುದ್ಧ ಯಾವುದೇ ಕ್ರಮಕ್ಕೆ ಮುಂದಾಗದಿರುವುದು ವಿಪರ್ಯಾಸ.

ಪಟ್ಟಣದ ಹೊರವಲಯದಲ್ಲಿ ಉತ್ತಮ ಗಾಳಿ ದೊರೆಯುತ್ತದೆ ಎನ್ನುವ ಕಾರಣಕ್ಕೆ ವಾಯುವಿಹಾರಕ್ಕೆ ಬಂದರೆ ಇಲ್ಲಿ ಬಿದ್ದಿರುವ ಮದ್ಯದ (Alcohol)

ಬಾಟಲ್‌ಗಳನ್ನು ನೋಡಿ ಓಡಾಡಲು ಹೆದರಿಕೆಯಾಗುತ್ತಿದೆ. ಇಂಥವರ ವಿರುದ್ಧ ಪೊಲೀಸ್ ಹಾಗೂ ಪುರಸಭೆ ಅಧಿಕಾರಿಗಳು ಕ್ರಮ ಕೈಗೊಳ್ಳಬೇಕು. ಜತೆಗೆ ಖಾಲಿ ಬಿದ್ದಿರುವ ಬಡಾವಣೆ ಮಾಲೀಕರು ಸುತ್ತ ತಂತಿಬೇಲಿ ನಿರ್ಮಿಸಿ ಯಾರೂ ಲೇಔಟ್‌ಗಳಲ್ಲಿ ಸುಳಿಯದಂತೆ ಕ್ರಮ ಕೈಗೊಳ್ಳಬೇಕು.

— ಈಶ್ವರ ಮೆಣಸಿನಕಾಯಿ, ರೋಣ ನಿವಾಸಿ