ನಗರದ ಆಧ್ಯಾತ್ಮ ವಿದ್ಯಾಶ್ರಮದಲ್ಲಿ ಸತ್ಸಂಗ ಸಮ್ಮೇಳನ, ಆದಿಶಕ್ತಿ ರಥೋತ್ಸವ ಹಾಗೂ ಸದಾಶಿವಾನಂದ ಶ್ರೀಗಳ 128ನೇ ಜಯಂತ್ಯೋತ್ಸವ ಸಮಾರಂಭ ಕಾರ್ಯಕ್ರನದಲ್ಲಿ ಭಾಗವಹಿಸಿ ಮಾತನಾಡಿ ಅವರು, ದೇಶದಲ್ಲಿ 7 ಧರ್ಮ, ಸಾವಿರಾರು ಸಂಖ್ಯೆಯಲ್ಲಿ ಜಾತಿ ಉಪ ಜಾತಿಗಳಿವೆ. ಹೀಗಿದ್ದರೂ ಭಾರತ ದೇಶ ಆಧುನಿಕ ಯುಗದಲ್ಲಿ ಸ್ವಾಲಂಭಿಯಾಗಿದೆ ಇತರೆ ದೇಶಕ್ಕೆ ಸ್ಪರ್ಧೆ ಒಡ್ಡುತ್ತಿದೆ. ಅದಕ್ಕೆ ನಮ್ಮ ಸಂಸ್ಕೃತಿ, ಆಧ್ಯಾತ್ಮ ವೇ ಕಾರಣ ಎಂದರು. ಸಾವಿರಾರು ವರ್ಷಗಳ ಕಾಲ ಪರಕೀಯರು ಆಳಿದರು ಸಹ ನಮ್ಮ ದೇಶದ ಸಂಸ್ಕೃತಿ ನಾಶ ಮಾಡಲು ಸಾಧ್ಯವಾಗಲಿಲ್ಲ. ನಮ್ಮ ಆಚಾರ ವಿಚಾರಗಳು ಗಟ್ಟಿ ಇರುವ ಕಾರಣದಿಂದಲೇ ನಮ್ಮ ಧರ್ಮ, ಧಾರ್ಮಿಕ ಆಚರಣೆ ನಾಶವಾಗಲಿಲ್ಲ ಎಂದರು.
