ಚೇಂಬರ್ ಆ್ ಕಾಮರ್ಸ ಸಂಸ್ಥೆಯ ಅಧ್ಯ ತಾತನಗೌಡ ಪಾಟೀಲ ಮಾತನಾಡಿ, ಬಸ್ ನಿಲ್ದಾಣದಲ್ಲಿ ಪ್ರತಿನಿತ್ಯ ನೂರಾರು ಬಸ್ಸುಗಳು ಹಾಗೂ ಸಾವಿರಾರು ಪ್ರಯಾಣಿಕರು ಪ್ರಯಾಣಿಸುತ್ತಾರೆ. ಸಾರ್ವಜನಿಕರ ಹಿತದೃಷ್ಠಿಯಿಂದ ಸ್ಪೋಟ ಆಗುವಂತಹ ವಸ್ತುಗಳಾದ ಪೆಟ್ರೋಲ್, ಗ್ಯಾಸ ಇಂತಹ ಅಪಾಯಕಾರಿ ವಸ್ತುಗಳನ್ನೊಳಗೊಂಡ ಪೆಟ್ರೋಲ್ ಪಂಪ್ ಆರಂಭಿಸುತ್ತಿರುವುದರಿಂದ ಸಾಕಷ್ಟು ತೊಂದರೆಯಾಗುತ್ತದೆ. ಹೊಸ ಬಸ್ಸ ನಿಲ್ದಾಣದಲ್ಲಿ ಸಾಕಷ್ಟು ಜನ ಸಂದಣಿ ಇರುತ್ತದೆ. ಬಸ್ ಒಳಗೆ ಪ್ರವೇಶದ ದ್ವಾರದ ಪಕ್ಕದಲ್ಲಿ ಪೆಟ್ರೋಲ್ ಪಂಪ್ ಸ್ಥಾಪನೆ ಮಾಡಲು ಈಗಾಗಲೇ ಕಟ್ಟಡದ ಕಾಮಗಾರಿ ಪ್ರಾರಂಭಿಸಲಾಗಿದೆ. ಹೊರಭಾಗದಿಂದ ಬರುವ ಬಸ್ಸುಗಳು ಅಲ್ಲಿಯೇ ನಿಲ್ಲುವುದರಿಂದ ಅಪಾಯಕಾರಿ ಹೆಚ್ಚಾಗುತ್ತದೆ. ಸಾರ್ವಜನಿಕರ ಹಿತದೃಷ್ಠಿಯಿಂದ ಪೆಟ್ರೋಲ್ ಬಂಕ್ ಆರಂಭಿಸುವುದನ್ನು ಕೈಬಿಡಬೇಕು ಎಂದು ಡಿ.ಎಂ. ದೇವರಾಜು ಅವರಿಗೆ ಮನವಿ ಮಾಡಿದರು.'
