ದಿನಾಂಕ:24-02-2025 ರಂದು ಸಂಜೆ 05:00 ಗಂಟೆಯೊಳಗೆ ಮೂಲ ಮೈನುಟ್ ಪುಸ್ತಕದ ದೃಢಿಕೃತ ಪ್ರತಿಗಳನ್ನು ಪೌರಾಯುಕ್ತರು, ನಗರಸಭೆ, ಗದಗ-ಬೆಟಗೇರಿ, ಗದಗ ಇವರು ಆಪಾದಿತರಿಗೆ ಒದಗಿಸುವಂತೆ ಮಾನ್ಯ ನ್ಯಾಯಾಲಯವು ನಿರ್ದೇಶನ ನೀಡಿದ್ದು ಇರುತ್ತದೆ. ಆಪಾದಿತರು ಸಲ್ಲಿಸಿದ ಮನವಿಯಂತೆ ಪೌರಾಯುಕ್ತರು, ನಗರಸಭೆ, ಗದಗ-ಬೆಟಗೇರಿ ಮತ್ತು ಶ್ರೀ ಪರಶುರಾಮ, ವ್ಯವಸ್ಥಾಪಕರು ಇವರಗಳು ದೃಢಿಕೃತ ಪ್ರತಿಗಳನ್ನು ಸಿದ್ಧಪಡಿಸಿ ಸದರೀ ದೃಢಿಕೃತ ಪ್ರತಿಗಳನ್ನು ಮಾನ್ಯ ಉಚ್ಚ ನ್ಯಾಯಾಲಯ, ಧಾರವಾಡದ ಆವರಣದಲ್ಲಿಯೇ ಆಪಾದಿತರಿಗೆ ನೀಡಲು ಸದರಿ ಅಧಿಕಾರಿಗಳು ಆಪಾದಿತರ ಬಳಿ ಹೋಗಿರುತ್ತಾರೆ. ದೃಢಿಕೃತ ಪ್ರತಿಗಳನ್ನು ನೀಡಲು ಜಾರಿ ಮಾಡುವ ಮುಖ ಪುಟದ (Intimation Letter) ಕೊನೆಯ 02 ಪ್ಯಾರಾವನ್ನು ತೆಗೆದುಹಾಕಿದರೆ ಮಾತ್ರ ಸ್ವೀಕರಿಸುವುದಾಗಿ ಆಪಾದಿತರು ಹೇಳಿ, ಅವುಗಳನ್ನು ಸ್ವೀಕರಿಸಿರುವುದಿಲ್ಲ ಅಂತಾ ಸದರಿ ಅಧಿಕಾರಿಗಳು ಮೌಖಿಕವಾಗಿ ಹೇಳಿರುತ್ತಾರೆ. ತದನಂತರ ಸದರಿ ದೃಢಿಕೃತ ಪ್ರತಿಗಳನ್ನು ಪೌರಾಯುಕ್ತರು, ನಗರಸಭೆ, ಗದಗ-ಬೆಟಗೇರಿ ಇವರು ಆಪಾದಿತರ ಪರ ನ್ಯಾಯವಾದಿಗಳ 2- 2 patilawchambers@gmail.com ನೇದಕ್ಕೆ ದಿನಾಂಕ:25-02-2025 ರಂದು ಬೆಳಗ್ಗೆ, 11:24 ಗಂಟೆಗೆ ಇ-ಮೇಲ್ ಮೂಲಕ ದೃಢಿಕೃತ ಪ್ರತಿಗಳನ್ನು ಸಲ್ಲಿಸಿರುವುದಾಗಿ ಹೇಳಿರುತ್ತಾರೆ. ಸದರಿ ದೃಢಿಕೃತ ದಾಖಲೆಗಳನ್ನು ಪರಿಶೀಲಿಸಲು ಆಪಾದಿತರಿಗೆ ವಿಚಾರಣೆ ವೇಳೆ ಕಾಲಾವಕಾಶವನ್ನು ನೀಡಲಾಗಿರುತ್ತದೆ.
