ಸಮಾಜಮುಖಿ ಜನಮುಖಿ ಕಾರ್ಯ ಮಾಡಿ: ಡಾ. ನಾಡಗೇರ

ವಿಜಯವಾಣಿ ಸುದ್ದಿಜಾಲ ಗದಗ

ಸಾಮಾಜಿಕ ಸಂಟನೆಯಾದ ಲಯನ್ಸ್​ ಕ್ಲಬ್​ನ ಪದಾಧಿಕಾರಿಗಳು ಮತ್ತು ಸದಸ್ಯರು ಸಮಾಜಮುಖಿ ಹಾಗೂ ಜನಮುಖಿಯಾಗಿ ಕಾರ್ಯ ಮಾಡಬೇಕು ಎಂದು ಲಯನ್ಸ್​ ಕ್ಲಬ್​ನ ನಿಕಟಪೂರ್ವ ಜಿಲ್ಲಾ ಗವರ್ನರ್​ ಡಾ. ರವಿ ನಾಡಗೇರ ಹೇಳಿದರು.

ಲಯನ್ಸ್​ ಶಾಲೆಯ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಗದಗ ಬೆಟಗೇರಿ ಲಯನ್ಸ್​ ಕ್ಲಬ್​ನ ನೂತನ ಪದಾಧಿಕಾರಿಗಳಿಗೆ ಅಧಿಕಾರ ಹಸ್ತಾಂತರಿಸಿ ಮಾತನಾಡಿದರು.

ಜನ, ಸಮಾಜ ಸೇವೆ ಮಾಡುವ ಮೂಲಕ ಅದರಲ್ಲಿ ಸಂತೃಪ್ತ ಭಾವನೆ ಕಾಣಲು ಇಂತಹ ಸಾಮಾಜಿಕ ಸಂಟನೆಗಳು ವೇದಿಕೆಯನ್ನು ಒದಗಿಸುತ್ತವೆ. ಕ್ಲಬ್​ಗಳಲ್ಲಿ ಎಲ್ಲರೂ ಸಂಟಿಕರಾಗಿ ಸೇರುವುದರಿಂದ ಸ್ನೇಹ ಬೆಳೆಯುತ್ತದೆ. ಹೊಸ ವಿಚಾರಗಳು ತಿಳಿಯುತ್ತವೆ. ಜೊತೆಗೆ ನಾಯಕತ್ವದ ಗುಣಗಳು ಬೆಳೆಯುತ್ತವೆ. ಇದರಿಂದಾಗಿ ವ್ಯಕ್ತಿತ್ವ ವಿಕಸನಗೊಳ್ಳುತ್ತದೆ ಎಂದರು.

ಲಯನ್ಸ್​ ಕ್ಲಬ್​ನ ನಿಕಟಪೂರ್ವ ಜಿಲ್ಲಾ ಗವರ್ನರ್​ ಆನಂದ ಪೋತ್ನೀಸ್​ ಹಾಗೂ ಸುಗ್ಗಲಾ ಯಳಮಲಿ ಅವರು ಮಾತನಾಡಿದರು. ನೂತನ ಜಿಲ್ಲಾ ಅಧ್ಯಕ್ಷರಾಗಿ ರಾಜು ವೇರ್ಣೆಕರ, ಉಪಾಧ್ಯರಾಗಿ ಪ್ರವಿಣ ವಾರಕರ, ಡಾ. ನವೀನ ಹಿರೇಗೌಡ್ರ, ಡಾ. ತುಕಾರಾಮ ಸೂರಿ ಸೇರಿದಂತೆ ಇತರರು ಅಧಿಕಾರ ವಹಿಸಿಕೊಂಡರು. ಪೂಜಾ ಪಾಟೀಲ, ಸುರೇಖಾ ಮಲ್ಲಾಡದ, ಸಹನಾ ಹಿರೇಮಠ, ಕನಿಷ್ಕ್​ ಸುಲಾಖೆ, ನಿತೀಶ್​ ಸಾಲಿ, ಸಾವಿತ್ರಿ ಶಿಗ್ಲಿ, ರಾಜಣ್ಣ ಮಲ್ಲಾಡದ ಇತರರು ಇದ್ದರು.