ಈ ಕುರಿತು ಪ್ರಕಟಣೆ ನೀಡಿರುವ ಅವರು, ಆ.21 2021 ರಂದು ಬಸವರಾಜ ಬೊಮ್ಮಾಯಿ ಸಿಎಂ ಆಗಿದ್ದ ಸಂದರ್ಭದಲ್ಲಿ ರಾಜ್ಯಪತ್ರ ಹೊರಡಿಸಿ ಕಟ್ಟಡ ಕಾಮಿರ್ಕರ ಮಕ್ಕಳಿಗೆ ವಿದ್ಯಾಭ್ಯಾಸಕ್ಕಾಗಿ ಪ್ರತಿ ವರ್ಷ ಸಹಾಯಧನವನ್ನು ನೀಡುತ್ತಿದ್ದರು. ಕಾಂಗ್ರೆಸ್ ಸರ್ಕಾರ ಹಿಂದಿನ ಆದೇಶವನ್ನು ರದ್ದು ಮಾಡಿ ಕಟ್ಟಡ ಕಾಮಿರ್ಕರ ಮಕ್ಕಳಿಗೆ ಕೊಡುತ್ತಿದ್ದ ಅನುದಾನವನ್ನು ಕಡಿಮೆ ಮಾಡಿದೆ. ಬೊಮ್ಮಾಯಿ ಅವರು ಮುಖ್ಯಮಂತ್ರಿಗಳಾಗಿದ್ದಾಗ ಎಲ್.ಕೆ.ಜಿ, ಯು.ಕೆ.ಜಿ ಕಟ್ಟಡ ಮಾಮಿರ್ಕರ ಮಕ್ಕಳಿಗೆ ಪ್ರತಿ ವರ್ಷ 5 ಸಾವಿರ ರೂ. ನೀಡುತ್ತಿದ್ದರು. ಈಗಿನ ಕಾಂಗ್ರೆಸ್ ಸರ್ಕಾರ ಒಂದು ಪೈಸೆಯೂ ಸಹ ನೀಡುತ್ತಿಲ್ಲ. 1ನೇ ತರಗತಿಯಿಂದ 4ನೇ ತರಗತಿ ವರೆಗೆ 5 ಸಾವಿರ ರೂ, ದಿಂದ 1800 ರೂ. ಗೆ ಇಳಿಸಲಾಗಿದೆ. 5ನೇ ತರಗತಿಯಿಂದ 8ನೇ ತರಗತಿ ವರೆಗೆ 8 ಸಾವಿರದಿಂದ 2,400 ರೂ ಗೆ ಇಳಿಸಿದ್ದಾರೆ. 9, 10 ನೇ ತರಗತಿ ವರೆಗೆ ಬಿಜೆಪಿ ಸರ್ಕಾರ ನೀಡುತ್ತಿದ್ದ 12 ಸಾವಿರ ರೂ. ಗಳನ್ನು 3 ಸಾವಿರಕ್ಕೆ ಇಳಿಸಿದ್ದಾರೆ ಎಂದು ಎಂ. ಎಂ ಹಿರೇಮಠ ತಿಳಿಸಿದ್ದಾರೆ.
