ಜಿಲ್ಲೆಯಲ್ಲಿ ಸೆಪ್ಟೆಂಬರ್ 2023ರ ಅಂತ್ಯದವರೆಗೆ ಒಟ್ಟು ಆದ್ಯತಾ ವಲಯಕ್ಕೆ 43.35 % ರಷ್ಟು ಸಾಲ ನೀಡಿಕೆಯಲ್ಲಿ ಗುರಿ ಸಾಧಿಸಿದೆ. ಗದಗ ತಾಲೂಕಿನ ವ್ಯಾಪ್ತಿಯಲ್ಲಿ 36.96 % , ಗಜೇಂದ್ರಗಡ ತಾಲೂಕಿನ ವ್ಯಾಪ್ತಿಯಲ್ಲಿ 51.94%, ರೂ, ಲಕ್ಷ್ಮೇಶ್ವರ ತಾಲೂಕಿನ ವ್ಯಾಪ್ತಿಯಲ್ಲಿ 55.14 %, ಮುಂಡರಗಿ ತಾಲೂಕಿನಲ್ಲಿ 45.63 %, ರೂ,ನರಗುಂದ ತಾಲೂಕಿನಲ್ಲಿ 69.85%, ರೋಣ ತಾಲೂಕಿನಲ್ಲಿ 38.69 %, ಶಿರಹಟ್ಟಿ ತಾಲೂಕಿನಲ್ಲಿ 54.81% ರಷ್ಟು ಗುರಿ ಸಾಧಿಸಲಾಗಿದೆ ಎಂದು ಸಭೆಗೆ ಮಾಹಿತಿ ನೀಡಿದರು.
ಜಿಲ್ಲೆಯಲ್ಲಿ ಮುದ್ರಾ ಸಾಲ ಯೋಜನೆಯಡಿ ಶಿಶು ಯೋಜನೆಯಲ್ಲಿ 22849 ಅರ್ಜಿಗಳನ್ನು ಸ್ವೀಕರಿಸಿ 5651.52 ಲಕ್ಷ ರೂ. ಕಿಶೋರ ಯೋಜನೆಯಡಿ 22838 ಅರ್ಜಿಗಳನ್ನು ಸ್ವೀಕರಿಸಿ 26109.17 ಲಕ್ಷ ರೂ. ಹಾಗೂ ತರುಣ ಯೋಜನೆಯಡಿ 1793 ಅರ್ಜಿಗಳನ್ನು ಸ್ವೀಕರಿಸಿ 11802.11 ಲಕ್ಷ ರೂ ಹೀಗೆ ಒಟ್ಟು 47120 ಅರ್ಜಿಗಳನ್ನು ಸ್ವೀಕರಿಸಿ 43562.80 ಲಕ್ಷ ರೂ. ವಿತರಣೆಯಾಗಿದೆ. ಉದ್ಯೋಗಿನಿ ಯೋಜನೆಯಡಿ 20 ಅರ್ಜಿಗಳಿಗೆ ಮಂಜೂರಾತಿ ನೀಡಲಾಗಿದೆ.
