ಟಿಕೆಟ್ ಸಿಕ್ಕಿದ್ದು ಹೇಗೆ?
ಕಳೆದ ಮೂರು ಚುನಾವಣೆಗಳಲ್ಲಿ ಕೈ ಸುಟ್ಟುಕೊಂಡಿದ್ದ ಕಾಂಗ್ರೆಸ್ ಈ ಬಾರಿ ಲಿಂಗಾಯತರಿಗೆ ಮಣೆ ಹಾಕಿದೆ. ಕಾಂಗ್ರೆಸ್ ಹೈಕಮಾಂಡ್ ವಲಯದಲ್ಲಿ ಸಚಿವ ಎಚ್.ಕೆ. ಪಾಟೀಲ ಅಭ್ಯಥಿರ್ ಆಗಿಸುವ ಆಸಕ್ತಿ ಹೊಂದಲಾಗಿತ್ತು. ಆದರೆ, ಪಕ್ಷದ ಮತಬ್ಯಾಂಕ್ ಜತೆಗೆ ಜಾತಿ ಲೆಕ್ಕಾಚಾರವನ್ನು ಅಲ್ಲಗಳೆಯುವಂತಿಲ್ಲ ಎಂಬ ಕಟು ಸತ್ಯ ಸ್ಥಳಿಯ ಕಾಂಗ್ರೆಸ್ ಮುಖಂಡರಿಗೆ ಅರಿವಿಗೆ ಬಂದಿದೆ. ಕಳೆದ ಮೂರು ಚುನಾವಣೆ ಲಿತಾಂಶವೇ ಈ ಲೆಕ್ಕಾಚಾರಕ್ಕೆ ಕೈಗನ್ನಡಿಯಾಗಿದೆ. ಜತೆಗೆ ಸರ್ಕಾರದಲ್ಲಿ ಪ್ರಬಲ ಸ್ಥಾನ ಹೊಂದಿರುವ ಎಚ್.ಕೆ. ಪಾಟೀಲ ಅವರು ಲೋಕಸಭೆ ಅಖಾಡವನ್ನು ಮೈಮೇಲೆ ಎಳೆದುಕೊಳ್ಳುವ ಅನಿವಾರ್ಯತೆಗೆ ಸಿಲುಕಲಿಲ್ಲ. ಐ.ಜಿ. ಸನದಿ ಪುತ್ರ ಶಾಕೀರ್ ಸನದಿ ಕೂಡ ಆಕಾಂಗಳಾಗಿದ್ದರು. ಆದರೆ, ಕಳೆದ ಎರಡೂ ಬಾರಿ ಮುಸ್ಲಿಂ ಸಮುದಾಯಕ್ಕೆ ಟಿಕೆಟ್ ನೀಡಿ ಕಾಂಗ್ರೆಸ್ ಪ್ರಯೋಗ ಮಾಡಿದ್ದು, ಯಶ ಕಾಣಲಿಲ್ಲ. ಇನ್ನೂ, ಮಾಜಿ ಸಂಸದ ಮಂಜುನಾಥ ಕೊನ್ನೂರು ಟಿಕೆಟ್ ಕೇಳಿದ್ದರು. ಯುವಕರಿಗೆ ಆಧ್ಯತೆ ಮತ್ತು ಹೈಕಮಾಂಡ್ ಮೇಲೆ ಸ್ಥಳಿಯ ಮುಖಂಡರ ಪ್ರಬಾವ ಮತ್ತು ಒಲವು ಆನಂದಸ್ವಾಮಿ ಗಡ್ಡದೇವರ ಮಠ ಅವರ ಕಡೆ ವಾಲಿತ್ತು. ಹೀಗಾಗಿ ಆನಂದಸ್ವಾಮಿ ಗಡ್ಡದೇವರಮಠ ಅವರಿಗೆ ಟಿಕೆಟ್ ಲಭಿಸಿದೆ.
