ಡಾ. ಪಾವಗಡ ಪ್ರಕಾಶರಾವ್​ ಅವರಿಂದ ಭಗವದ್ಗೀತಾ ಪ್ರವಚನ: ಡಿ.ಆರ್​. ಪಾಟೀಲ

ವಿಜಯವಾಣಿ ಸುದ್ದಿಜಾಲ ಗದಗ

ಪ್ರಖ್ಯಾತ ಪ್ರವಚನಕಾರ ಡಾ. ಪಾವಗಡ ಪ್ರಕಾಶರಾವ್​ ಅವರಿಂದ ಭಗವದ್ಗೀತಾ ಪ್ರವಚನ ಕಾರ್ಯಕ್ರಮವನ್ನು ನ. 11 ರಿಂದ 28 ಪ್ರತಿ ದಿನ ಸಂಜೆ 6 ರಿಂದ 7.30ರವರೆಗೆ ನಗದ ಕಳಸಾಪೂರ ರಸ್ತೆಯ ನಂದೀಶ್ವರ ನಗರದಲ್ಲಿರುವ ಸದಾಶಿವಾನಂದ ಗಾರ್ಡನ್​ ಸಭಾ ಭವನದಲ್ಲಿ ಹಮ್ಮಿಕೊಳ್ಳಲಾಗಿದೆ ಎಂದು ಮಾಜಿ ಶಾಸಕ ಡಿ.ಆರ್​. ಪಾಟೀಲ ಹೇಳಿದರು.

ಪತ್ರಿಕಾ ಭವನದಲ್ಲಿ ಶುಕ್ರವಾರ ಏರ್ಪಡಿಸಿದ್ದ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ಪ್ರವಚನ ಕಾರ್ಯಕ್ರಮದ ಉದ್ಘಾಟನೆಯು ನ. 11 ರಂದು ಸಂಜೆ 5 ಗಂಟೆಗೆ ನೆರವೇರಲಿದೆ. ಸಾನ್ನಿಧ್ಯವನ್ನು ಅಭಿನವ ಶಿವಾನಂದ ಶ್ರೀಗಳಲು ವಹಿಸಲಿದ್ದಾರೆ. ನಿರ್ಭಯಾನಂದ ಸರಸ್ವತಿ ಶ್ರೀಗಳು ಸಮ್ಮುಖ ವಹಿಸಲಿದ್ದಾರೆ. ಸಚಿವ ಎಚ್​. ಕೆ. ಪಾಟೀಲ ಕಾರ್ಯಕ್ರಮದ ಉದ್ಘಾಟನೆ ನೆರವೇರಿಸುವರು ಎಂದರು.

ನಾವೆಲ್ಲ ಒಂದು ಎನ್ನುವ ಭಾವ ಈ ಸಮಾಜದಲ್ಲಿ ಬೆಳಸಬೇಕಿದೆ. "ಒಂದು' ಎನ್ನುವ ಭಾವ ಒಡೆದರೆ ಸಮಾಜದಲ್ಲಿ ಬೆಳವಣಿಗೆ ಅಸಾಧ್ಯ. ಸಮಾಜದಲ್ಲಿ ಏಕತೆ ರೂಪಿಸಲು ಕಳೆದೆ ಕೆಲ ವರ್ಷಗಳಿಂದ ಪ್ರಕಾಶ ರಾವ ಅವರ ಪ್ರವಚನ ನಡೆಯುತ್ತ ಬಂದಿದೆ. ಈ ವರ್ಷವು ಮುಂದು ವರಿಯಲಿದೆ ಎಂದು ಡಿ.ಆರ್​. ಪಾಟೀಲ ಹೇಳಿದರು.

ಆದರ್ಶ ಸಮಾಜ ಕಟ್ಟಲು, ಪ್ರೇರಣೆ ಪಡೆಯಲು, ಶ್ರೇಷ್ಠ ಉಪನ್ಯಾಸಕ್ಕೆ ಈ ಪ್ರವಚನ ಆಲಿಸುವುದು ಸೂಕ್ತ. ಕಾರ್ಯಕ್ರಮಕ್ಕೆ ಸಂಸದ ಬಸವರಾಜ ಬೊಮ್ಮಾಯಿ ಆಗಮಿಸಲಿದ್ದಾರೆ. ಜಿಲ್ಲೆಯ ಎಲ್ಲ ಶಾಸಕರು. ಮಾಜಿ ಶಾಸಕರು ಸಮಾರಂಭದಲ್ಲಿ ಅತಿಥಿಗಳಾಗಿ ಆಗಮಿಸುವರು ಎಂದರು.

ಪತ್ರಿಕಾಗೋಷ್ಠಿಯಲ್ಲಿ ಡಾ. ಎಸ್​. ಬಿ.ಶೆಟ್ಟರ, ಶಂಕರ್​ ಹೂಗಾರ, ವಾದಿರಾಜ ರಾಯ್ಕರ್​, ಡಾ. ಕಲ್ಲೇಶ ಮೂರಶಿಳ್ಳಿನ, ಅನಿಲ ವೈದ್ಯ, ಗುರಣ್ಣ ಬಳಗಾನೂರ, ಅಶೋಕ ಮಂದಾಲಿ ಇತರರು ಇದ್ದರು.